బిజినెస్
సిడ్నీ నగరానికి చివరి మెట్రో రైలు తరలింపు
S ,7 à 8 RSCA (si SASPAS) et 6 cialis pharmacie cialis rapports de stage.
వరదయ్యపాళెం, డిసెంబర్ 6: చిత్తూరు - నెల్లూరు జిల్లాల సరిహద్దులో ఏర్పాటైన శ్రీసిటీ పారిశ్రామికవాడలోని ఆల్‌స్టాం ట్రాన్స్‌పోర్ట్ పరిశ్రమలో తయారుచేసిన మెట్రో రైలును విజయవంతంగా ఆస్ట్రేలియా దేశంలోని సిడ్నీ నగరానికి తరలించారు. గురువారం జరిగిన ఈ కార్యక్రమంలో కంపెనీ ప్రతినిధులు జెండా ఊపి లాంఛనంగా తరలించారు. మెట్రో బోగీలు తయారుచేసే ఆల్‌స్ట్రాం కంపెనీ 2014లో పొందిన ఒప్పందం ప్రకారం 22 ఆరు బోగీల మెట్రో రైలు తయారీలో భాగంగా ఆఖరి మెట్రో రైలును సిడ్నీ నగరానికి తరలించారు. ఈ సందర్భంగా ఆల్‌స్టాం కంపెనీ దక్షిణాసియా మేనేజింగ్ డైరెక్టర్ ఎలైన్ స్పోర్ మాట్లాడుతూ ఆల్‌స్టాం పరిశ్రమ నుంచి 22 మెట్రో రైళ్లను తయారుచేయడమే కాకుండా ఆస్ట్రేలియాలోని సిడ్నీ నగరానికి తరలించడం తమకు గర్వంగా ఉందని తెలిపారు. ఇప్పటివరకు భారతదేశంలోని లక్నో, కొచ్చిన్, చెన్నైలకు మెట్రో రైళ్లను అందించామని, సంవత్సరానికి 200 బోగీలు తయారుచేసే సామర్ధ్యం ఆల్‌స్టాం ట్రాన్స్‌పోర్ట్‌కు ఉందని తెలిపారు.
అదేవిధంగా ఆల్‌స్టాం పరిశ్రమ ఇంతటి ఉన్నతమైన స్థాయికి చేరుకోవడానికి శ్రీసిటీ ప్రధాన కారణమని, ఇక్కడ కావల్సిన అన్ని వౌలిక వసతులు పుష్కలంగా ఉన్నాయని ఈ సందర్భంగా ఆయన పేర్కొన్నారు. అనంతరం ఆల్‌స్టాం పరిశ్రమలో మెట్రో తయారీ విభాగాన్ని మీడియా ప్రతినిధులకు చూపించారు. ఈ కార్యక్రమంలో ఆల్‌స్టాం సీనియర్ వైస్ ప్రెసిడెంట్ లింగ్‌పాంగ్, ఆస్ట్రేలియా, న్యూజిలాండ్ మేనేజింగ్ డైరెక్టర్ మార్క్‌క్సోన్, ఆ సంస్థ ప్రతినిధులు పాల్గొన్నారు.
చిత్రం..శ్రీసిటీలోని ఆల్‌స్టాం పరిశ్రమలో తయారైన మెట్రో రైలును ఆస్ట్రేలియాలోని సిడ్నీ నగరానికి తరలిస్తున్న దృశ్యం
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.