రాష్ట్రీయం
రాయలసీమకు రైల్వే శాఖ ఝలక్!
S ,7 à 8 RSCA (si SASPAS) et 6 cialis pharmacie cialis rapports de stage.
నంద్యాల, ఫిబ్రవరి 10 : దక్షిణ మధ్య రైల్వే పరిధిలో నంద్యాల మీదుగా రాజధాని అమరావతి వెళ్లే ప్యాసింజర్ రైళ్లన్నింటినీ రైల్వే శాఖ మరమ్మతుల పేరిట ఈ నెల 6 నుంచి 20వ తేదీ వరకూ ఎలాంటి ముందస్తు హెచ్చరికలు లేకుండా రద్దు చేసింది. దీంతో పేద, మధ్య తరగతి ప్రజలు ఎక్స్‌ప్రెస్ రైళ్లలో ప్రయాణించలేక తమ ప్రయాణాలు వాయిదా వేసుకుంటూ దిక్కుతోచని స్థితిలో పడిపోయారు. ఇటు బెంగళూరు నుంచి రాజధాని అమరావతి, హుబ్లీ నుంచి అమరావతి, హైదరాబాద్ నుంచి అమరావతి, డోన్ నుంచి నంద్యాల మీదుగా అమరావతి వెళ్లే మొత్తం 6 ప్యాసింజర్ రైళ్లను రద్దు చేయడంతో కేవలం రాత్రిపూట తిరిగే 4 ఎక్స్‌ప్రెస్ రైళ్లు మాత్రమే ఈ మార్గంలో తిరుగుతున్నాయి. దీంతో పేద, మధ్యతరగతి ప్రజలు కరువు కాలంలో ఉపాధి వెతుక్కునేందుకు అటు హైదరాబాద్, ఇటు బెంగళూరు, అటు హుబ్లీ, ఇటు రాజధాని అమరావతి వైపు వెళ్లేందుకు ప్యాసింజర్ రైళ్లు లేకపోవడంతో బస్సుల్లో ప్రయాణించలేక ఎక్స్‌ప్రెస్ రైళ్లలో చోటు దొరక్క తమ ప్రయాణాలను రద్దు చేసుకుంటున్నారు. ఇక పెళ్లిళ్లు, పేరంటాలు ఇలాంటి వాటికి వెళ్లే పేద, మధ్య తరగతి వారు కూడా తమ ప్రయాణాలు, కార్యక్రమాలను రద్దు చేసుకోవడం, వాయిదా వేసుకోవడం జరుగుతోంది. ముఖ్యంగా ఈ సీజన్‌లో సీమ ప్రాంతం మీదుగా వెళ్లే రైళ్లలో ఎక్కువ భాగం వలస కూలీలు ప్రయాణిస్తుంటారు. ఉపాధి మార్గాలు వెతుక్కోవడంతో పాటు పనుల కోసం హైదరాబాద్, బెంగళూరు, హుబ్లీ, విజయవాడ నగరాలకు వెళ్లి కూలీ పనులు చేసుకుంటూ వేసవి పూర్తయ్యేంత వరకూ అక్కడే ఉండేందుకు ప్రణాళికలు వేసుకున్న వారు తమ ప్రయాణాలను రద్దు చేసుకున్నారు.
రైల్వే శాఖ ఈ మార్గంలో మరమ్మతుల పేరిట ప్యాసింజర్ రైళ్లను రద్దు చేసింది. కానీ ఇదే మార్గంలో ఎక్స్‌ప్రెస్, గూడ్స్ రైళ్లను మాత్రం నడపడం విమర్శలకు తావిస్తోంది. ఎక్స్‌ప్రెస్, గూడ్స్ రైళ్లు ఈ మార్గంలో నిరభ్యంతరంగా రాకపోకలు సాగిస్తుండగా, కేవలం పేద, మధ్యతరగతి ప్రజలు ప్రయాణించే ప్యాసింజర్ రైళ్లను ఎందుకు రద్దు చేశారని ప్రయాణికులు వాపోతున్నారు. నంద్యాల రైల్వేస్టేషన్ మీదుగా తెల్లవారుజామున 5 నుంచి రాత్రి 7 గంటల వరకూ కేవలం ప్యాసింజర్ రైళ్లు మాత్రమే వెళ్తాయి. రాత్రిపూట ఎక్స్‌ప్రెస్ రైళ్లు వెళ్తుంటాయి. అయితే రైల్వే శాఖ స్వలాభం కోసం ప్యాసింజర్ రైళ్లను ఆపేసి గూడ్స్ రైళ్లను ముందుకు పంపడం ఈ ప్రాంతంలో ఆనవాయితీగా మారింది. ఇదేమిటని ప్రశ్నిస్తే రైల్వేశాఖ ఉన్నతాధికారుల ఆదేశాల మేరకే గూడ్స్ రైళ్లకు ప్రాధాన్యత ఇస్తున్నామని స్థానిక అధికారులు చెబుతున్నారు. ఇకనైనా రైల్వేశాఖ ఉన్నతాధికారులు పేద, మధ్య తరగతి ప్రయాణికులను దృష్టిలో ఉంచుకుని కనీసం రెండు, మూడు ప్యాసింజర్ రైళ్లను అయినా నడపాలని ప్రయాణికులు కోరుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.