రాష్ట్రీయం
‘దిశ’ కేసులో రేపిస్టులను కఠినంగా శిక్షించాలి
S ,7 à 8 RSCA (si SASPAS) et 6 cialis pharmacie cialis rapports de stage.
షాద్‌నగర్, డిసెంబర్ 2: జస్టిస్ ఫర్ దిశ కేసులో నిందితులను కఠినంగా శిక్షించాలని ఆంధ్రప్రదేశ్ మాజీ ముఖ్యమంత్రి నారా చంద్రబాబు నాయుడు డిమాండ్ చేశారు. సోమవారం హైదరాబాద్ నుంచి షాద్‌నగర్ మీదుగా కర్నూల్‌కు రోడ్డు మార్గం ద్వారా వెళ్తున్న ఏపీ మాజీ సీఎం చంద్రబాబుకు షాద్‌నగర్ బైపాస్ వద్ద స్థానిక టీడీపీ శ్రేణులు స్వాగతం పలికారు. మాజీ ముఖ్యమంత్రి చంద్రబాబు నాయుడు మాట్లాడుతూ శంషాబాద్‌లో ఇటీవల చోటు చేసుకున్న జస్టిస్ ఫర్ దిశ వ్యవహారం సభ్య సమాజాన్ని తల దించుకునేలా చేసిందని, నేరస్థులను ప్రభుత్వం కఠినంగా శిక్షించే విధంగా సత్వర చర్యలు చేపట్టాలని డిమాండ్ చేశారు. అంతర్జాతీయ విమానాశ్రాయానికి అతి సమీపంలో పశువైద్యురాలిపై ఇలాంటి ఘటన చోటుచేసుకోవడం యావత్ భారత్‌ను తలదించుకునేలా ఉందని అన్నారు. 44వ జాతీయ రహదారిపై అనునిత్యం వేల సంఖ్యలో వాహనాలు రాకపోకలు సాగిస్తున్న తరుణంలో ఇలాంటి సంఘటనలు చోటుచేసుకోవడం తనను తీవ్రంగా కలచి వేసిందని భావోద్వేగానికి గురయ్యారు. ప్రభుత్వం ఏమాత్రం ఆలస్యం చేయకుండా మానవ మృగాలను తక్షణమే శిక్షించి మరోమారు ఇలాంటి ఘటనలు చోటుచేసుకోకుండా చర్యలు తీసుకోవాలని కోరారు.
హైదరాబాద్ నుంచి షాద్‌నగర్ మీదుగా కర్నూలు వెళ్తున్న మాజీ ముఖ్యమంత్రి చంద్రబాబు నాయుడికి స్వాగతం పలికేందుకు వచ్చిన షాద్‌నగర్ మాజీ ఎమ్మెల్యే బక్కని నర్సింలును అనుమతి లేదంటూ పోలీసులు అదుపులోకి తీసుకుని స్టేషన్‌కు తరలించడాన్ని మాజీ సీఎం చంద్రబాబు నాయుడు ఖండించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.