రాష్ట్రీయం
చరిత్ర పుటల్లో అమరావతి!
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, అక్టోబర్ 21: అదో అరుదైన సన్నివేశం.. రాజధానిలేని అవశేష ఆంధ్రప్రదేశ్‌కు దిక్సూచిగా నిలిచిన ప్రపంచ నగరం అమరావతికి అంకురార్పణ జరిగిన మధుర ఘట్టాలు.. దేశ ప్రధాని.. కేంద్రమంత్రులు.. ఏపి, తెలంగాణ ముఖ్యమంత్రులు.. ఒకరేంటి ప్రపంచ వ్యాప్తంగా వివిధ దేశాలకు చెందిన ప్రతినిధులు హాజరైన వేళ.. ఆంధ్రప్రదేశ్ చరిత్రపుటల్లో చిరస్థాయిగా నిలిచిన అద్భుత ఘడియలు.. నవ్యాంధ్ర రాజధానికి శంకుస్థాపన జరిగి ఏడాది పూర్తయింది.. ఎన్నో బాలారిష్టాలను అధిగమించి ప్రపంచంలోని పంచ నగరాల సరసన నిలపాలనే ప్రయత్నాలకు గత ఏడాది అక్టోబర్ 22న అమరావతికి శంకుస్థాపన జరిగింది. రాజధాని నిర్మాణానికి రైతులు స్వచ్ఛందంగా ముందుకొచ్చి 33వేల 500 ఎకరాలు అందజేశారు. సరిగ్గా ఏడాది క్రితం ఇదే రోజున ప్రధానమంత్రి చంద్రబాబునాయుడు, కేంద్రమంత్రులు వెంకయ్యనాయుడు, దత్తాత్రేయ, రెండు తెలుగు రాష్ట్రాల ముఖ్యమంత్రులు చంద్రబాబునాయుడు, కెసిఆర్‌లతో సహా పలువురు కేంద్ర, రాష్ట్ర మంత్రులతో పాటు, విదేశీ ప్రతినిధులు ఈ చారిత్రక ఘట్టానికి నాంది పలికారు. సకల సముద్ర, నదీ జలాలతో పాటు పవిత్ర మట్టితో కలశాలను రాజధానికి తీసుకొచ్చారు. ప్రధాని మోదీ సైతం గంగ, యమున నదీజలాలను తీసుకువచ్చి వేదమంత్రోచ్ఛారణల నడుమ ప్రత్యేకపూజలు నిర్వహించి ఉద్ధండరాయనిపాలెం వద్ద ప్రత్యేకపూజలతో శంకుస్థాపన చేశారు.
ఏడాది కాలంలో తాత్కాలిక రాజధాని నిర్మాణాన్ని పూర్తిచేసుకుని పాలనా వ్యవస్థను కేంద్రీకృతం చేయటం ప్రభుత్వం వేసిన ఓ ముందడుగుగా చెప్పక తప్పదు. రాజధానిలో పెట్టుబడులకు సింగపూర్, జపాన్, చైనా, రష్యా, అమెరికా వంటి అగ్రదేశాలు ముందుకొచ్చాయి. సింగపూర్ మాస్టర్ ప్లాన్ ప్రకారం వివిధ దశలలో రాజధానిని అభివృద్ధి చేయాలని ప్రభుత్వం సంకల్పించింది. అంతర్జాతీయ నగరంగా గుర్తింపు తీసుకువచ్చే క్రమంలో 9 కానె్సప్ట్ సిటీలను నిర్మించాలని నిర్ణయించింది. ఇందులో భాగంగా ఈనెల 28న ఆర్థిక, పరిపాలన నగరాలకు కేంద్ర మంత్రి అరుణ్‌జైట్లీ శంకుస్థాపన చేయనున్నారు. అయితే రాజధాని అభివృద్ధికి స్విస్‌చాలెంజి విధానంపై హైకోర్టులో వాదనలు జరుగుతున్న నేపథ్యంలో ఆ విస్తీర్ణంలో మినహా మిగిలిన ప్రాంతాల్లో అభివృద్ధికి రాజధాని ప్రాధికార సంస్థ (సిఆర్‌డిఏ) సన్నాహాలు చేస్తోంది. ప్రముఖ స్టార్ హోటళ్లు, అంతర్జాతీయ విద్యా సంస్థల ప్రతినిధులు ఇప్పటికే ముందుకొచ్చారు. ఐటీ సంస్థలు ఏర్పాటు కానున్నాయి. రాజధాని ప్రాంతంలోనే హెల్త్‌సిటీలో ఎయిమ్స్ రూపుదిద్దుకుంటోంది. గతంలో విభజన జరిగిన రాష్ట్రాలతో పోలిస్తే ఆంధ్రప్రదేశ్ రాజధాని నిర్మాణం ఓ మైలురాయి కానుంది.
chitram...
గత ఏడాది అక్టోబర్ 22న అమరావతి నిర్మాణానికి ప్రధాని నరేంద్రమోదీ శంకుస్థాపన చేసిన దృశ్యం (ఫైల్‌ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.