రాష్ట్రీయం
విజిలెన్స్ ఇన్స్పెక్టర్ బదిలీ
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, ఏప్రిల్ 18: శ్రీవారి ఆలయంలో ఎలక్ట్రానిక్ పరికరాలు, కెమెరాలు తీసుకెళ్లకూడదన్న నిబంధనలను ఉల్లంఘించి పెన్ కెమెరాతో ఆలయంలోకి వెళ్లిన పరకామణిలో విజిలెన్స్ ఇన్స్‌పెక్టర్‌గా పనిచేస్తున్న వెంకటేష్‌ను మాతృసంస్థకు బదిలీ చేస్తూ టిటిడి ఇ ఓ డాక్టర్ సాంబశివరావు, ఇన్‌చార్జ్ సివిఎస్‌ఓ గోపినాథ్ జెట్టి సోమవారం నిర్ణయం తీసుకున్నారు. వెంకటేష్ అనే విజిలెన్స్ ఇన్స్పెక్టర్ శ్రీవారి ఆలయంలో పరకామణిలో విధులు నిర్వహిస్తున్నారు. 4 రోజల క్రితం పెన్‌కెమెరాను జేబులో ఉంచుకొని ఆలయంలోకి ప్రవేశించాడు. ఆలయంలోని పడికావలి సమీపంలో ఈ విషయాన్ని గమనించిన విజిలెన్స్ సిబ్బంది ఈవిషయాన్ని విజి ఓ మల్లికార్జున్ దృష్టికి తీసుకెళ్లారు. వెంటనే ఆయన వెంకటేష్‌ను ఆలయం నుంచి వెనక్కి రమ్మని తన కార్యాలయంలో విచారించారు. ఆలయంలోకి కెమెరా తీసుకువెళ్లకూడదన్న నిబంధన ఉల్లంఘించడంపై ప్రశ్నించారు. పొరపాటుగా తాను ఆలయంలోకి తీసుకువెళ్లానని వి ఐ వెంకటేష్ వివరణ ఇచ్చుకున్నారు. అయినప్పటికీ ఆయన్ను మాతృసంస్థలకు బదిలీ చేయాలని టిటిడి యాజమాన్యం నిర్ణయిస్తూ ఆ మేరకు నిర్ణయం తీసుకుంది. వెంకటేష్ ప్రవర్తనపై టిటిడి వర్గాల్లో పలురకాల అనుమానాలు వ్యక్తమవుతున్నాయి. అందుకు కారణం ఎస్‌పిఎఫ్ ఎస్‌ఐ గా వెంకటేష్ గతంలో 7వ సెక్టార్‌లో పనిచేశాడు. అటు తరువాత ఆయన్ను పరకామణిలో విధులు నిర్వహించడానికి బదిలీ చేశారు. అలాంటపుడు ఒక విజిలెన్స్ అధికారిగా ఉన్న వ్యక్తి పొరపాటుగా కూడా పెన్ కెమెరాను ఎందుకు తీసుకెళ్లాడు అన్న అనుమానాలు వ్యక్తమవుతున్నాయి. ముఖ్యంగా పరకామణిలో విధులు నిర్వహించే టిటిడి సిబ్బంది వారు ఏ హోదాలో ఉన్న వారైనా తమ ఒంటిపై ఆభరణాలు కూడా వేసుకొని వెళ్లకూడదనే నిబంధన అమలు అవుతుంది. అంతేకాకుండా పరకామణిలోకానుకలు లెక్కించడానికి వెళ్లే సమయంలోనే విజిలెన్స్ అధికారులు వారిని క్షుణ్ణంగా తనిఖీచేసి లోపలికి అనుమతిస్తారు. అలా తనిఖీచేసే అధికారే పెన్‌కెమెరాలు తీసుకెళ్లడం, వెనుక ఉన్న కారణాలేమన్న విషయంపై స్పష్టత రావడం లేదు. దేశంలోని ప్రముఖులైన ప్రధాని, రాష్టప్రతి, ముఖ్యమంత్రి ఎవరూ శ్రీవారి దర్శనార్థం వచ్చినా టిటిడికి సంబంధించిన కెమెరామెన్‌లు వెండి వాకిలి వరకే ఫోటోలు తీయడానికి పరిమితమవుతారు. ఈ నిబంధనలు కొన్ని దశాబ్దాలుగా అమలవుతున్నాయి. అలాంటపుడు ఒక పోలీస్‌శాఖ నుంచి టిటిడి విజిలెన్స్ విభాగానికి వచ్చిన అధికారి ఆలయంలోకి పెన్ కెమెరాతో ఎలా ప్రవేశించాడన్నదే కోటి అనుమానాల ప్రశ్నగా మారింది. దీని వెనుక ఉన్న కారణాలను పూర్తిగా విచారించాలని , తద్వారా ఆలయ భద్రతకు భరోసా ఇవ్వాలని భక్తులు కోరుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.