ఆటాపోటీ
హ్యాట్రిక్ వీరుడు కుల్దీప్
S ,7 à 8 RSCA (si SASPAS) et 6 cialis pharmacie cialis rapports de stage.
ఈ ఏడాది సెప్టెంబర్ 21న కోల్‌కతాలోని చారిత్రక ఈడెన్ గార్డెన్స్ మైదానంలో ఆస్ట్రేలియాపై భారత యువ స్పిన్నర్ కుల్దీప్ యాదవ్ హ్యాట్రిక్ నమోదు చేశాడు. వనే్డల్లో హ్యాట్రిక్ సాధించిన 43వ బౌలర్‌గా రికార్డు పుస్తకాల్లో చోటు సంపాదించిన కుల్దీప్ యాదవ్ భారత్ తరఫున ఈ ఫీట్‌ను ప్రదర్శించిన మూడో బౌలర్‌గా గుర్తింపు పొందాడు. 1987 అక్టోబర్ 31న న్యూజిలాండ్‌తో నాగపూర్‌లో జరిగిన వనే్డలో చేతన్ శర్మ భారత్ తరఫున మొదటి హ్యాట్రిక్‌ను నమోదు చేశాడు. ప్రతిష్ఠాత్మక కోల్‌కతా ఈడెన్ గార్డెన్స్ మైదానంలో 1991 జనవరి 4న శ్రీలంకతో జరిగిన వనే్డలో కపిల్‌దేవ్ హ్యాట్రిక్ సాధించాడు. ఇదే మైదానంలో ఇప్పుడు కుల్దీప్ యాదవ్ హ్యాట్రిక్‌ను పూర్తి చేయడం గమనార్హం. అతను వరుస బంతుల్లో మాథ్యూవేడ్, ఆస్టన్ అగర్, పాట్ కమిన్స్‌ను ఔట్ చేశాడు. హ్యాట్రిక్‌తో అదరగొట్టిన భారత తొలి స్పిన్నర్‌గానూ కుల్దీప్ యాదవ్ రికార్డులకెక్కాడు.
Related Articles
టీమిండియాకు స్ఫూర్తిదాయకమైన నాయకత్వాన్ని అందించిన వారిలో కపిల్ దేవ్ తర్వాత సౌరవ్ గంగూలీ పేరు చెప్పుకోవాలి. అతని నుంచి 3ది వాల్2 రాహుల్ ద్రవిడ్‌కు జట్టు పగ్గాలు లభించాయి. సమర్థుడైన బ్యాట్స్‌మన్‌గా భారత్‌ను ఎన్నోసార్లు ఆదుకున్న ద్రవిడ్ కెప్టెన్‌గా అదేస్థాయిలో రాణించలేకపోయాడు.
కోహ్లీ మొండి వైఖరి గురించి ఎంత తక్కువగా చెప్తే అంత మంచిది. సొంత అజెండాను అమలు చేసే అతను, జట్టు ప్రయోజనాలు గాలికి కొట్టుకుపోయినా సరే తన పంతమే నెగ్గాలన్న అతని వైఖరి కారణంగానే కోచ్ పదవి నుంచి అనీల్ కుంబ్లే ఉద్వాసనకు గురయ్యాడు.
ఏ క్రీడలోనైనా రికార్డులు ఉన్నది బద్దలు కావడానికే అని అంటారు. అది నిజం కూడా. క్రికెట్‌లో రికార్డులు తరచు మారుతూనే ఉన్నాయి. కానీ, కొన్ని దశాబ్దాలుగా చెక్కుచెదరని రికార్డులు కూడా ఉన్నాయి.
పాకిస్తాన్ మాజీ సూపర్ ఫాస్ట్ బౌలర్ షోయబ్ అక్తర్ వికెట్ సాధించిన వెంటనే తనదైన శైలిలో, పక్షి రెక్కలు చాచి గాలిలో ఫీట్లు చేస్తున్నట్టు పరుగులు తీస్తాడు. వికెట్ లభించినప్పుడు ఒక్కొక్కరూ ఒక్కో విధంగా సెలబ్రేట్ చేసుకుంటారు. అయితే, అందరిలోకీ అక్తర్‌ది భిన్నమైన విధానం.
కెరీర్‌లో తొలి టెస్టు ఆడుతూ శతకాలు సాధించినవారు లేకపోలేదు. అయితే, మొదటి టెస్టులోనే అత్యధిక పరుగులు చేసిన రికార్డు రెగినాల్డ్ ‘టిప్’ ఫాస్టర్‌కే సొంతం. 1878లో జన్మించిన అతను తన ఆరుగురు సోదరులతో కలిసి కౌంటీ క్రికెట్ ఆడాడు.