రాష్ట్రీయం
బందరు ఇంజనీర్‌కు ఐసిస్ లింకు?
S ,7 à 8 RSCA (si SASPAS) et 6 cialis pharmacie cialis rapports de stage.
సానుభూతిపరులపై ‘నిఘా’ నేత్రం
హైదరాబాద్, డిసెంబర్ 4: కరడుగట్టిన ఉగ్రవాద సంస్థ ఐఎస్‌ఐఎస్ తన కోరలను ఆంధ్రకూ విస్తరించిందా? మచిలీపట్నానికి చెందిన తుల్ఫీజుర్ రెహమాన్ అనే ఇంజనీర్ ప్రస్తుతం లిబియాలో ఉద్యోగరీత్యా ఉన్నాడని, ఐఎస్ ఉగ్రవాద సంస్థతో సంబంధాలు నెరపుతున్నాడని కేంద్ర ఇంటెలిజెన్స్ బ్యూరో ఇచ్చిన సమాచారంతో ఆంధ్ర రాష్ట్ర పోలీసు నిఘా సంస్థ ఉలిక్కిపడింది. తుల్ఫిజుర్ రెహమాన్ అనే యువకుడు లిబియాలో ఐఎస్ ఉగ్రవాద సంస్థల ఆధీనంలోని సిర్టీ అనే పట్టణానికి వెళ్లిన సమాచారాన్ని కేంద్ర హోంశాఖ సేకరించింది. సాంకేతిక పరిజ్ఞానం ఉన్న యువకులకు ఐఎస్ సంస్థ గాలంవేస్తున్న విషయం తెలిసిందే. ఇటీవలి కాలంలో తెలంగాణలో ఆదిలాబాద్‌కు చెందిన ఎం అతీఫ్ వాసిం అనే ఇంజనీరింగ్ గ్రాడ్యూయేట్ సిరియాలో ఐఎస్ సంస్థ తరఫున పోరాడుతూ మరణించిన విషయం విదితమే. ఈ సమాచారం వాసిం కుటుంబీకులకు విదేశాల నుంచి అందింది. అయితే, ఐఎస్ వలకు మచిలీపట్నానికి చెందిన ఇంజనీర్ పొరపాటున చిక్కుకుని ఉంటాడని పోలీసులు భావిస్తున్నారు. జీవనోపాధి నిమిత్తం గల్ఫ్ దేశాలకెళ్లిన యువతలో ప్రతిభావంతులైన వారిని మతం ముసుగులో ఐఎస్ సంస్థ ఆకర్షిస్తోంది. ఐఎస్ వలకు చిక్కుకున్న యువత దేశానికి చెందిన ప్రతిష్టాకరమైన సంస్థలు, భౌగోళిక స్వరూపం, ఇతర వివరాలు అందిస్తారని పోలీసు వర్గాలు అంటున్నాయి. ఈ పరిస్థితుల్లో ఆంధ్రలో ఉగ్రవాద కార్యకలాపాలు లేవనే భ్రమలో ఉండరాదని పోలీసులు అంటున్నారు. దీన్‌దార్ అంజుమాన్, సిమి, స్టూడెంట్స్ డెమాక్రటిక్ ఫ్రంట్ ఇండియా, పాపులర్ ఫ్రంట్ ఆఫ్ ఇండియా సంస్థలు అజ్ఞాతంగా తమ కార్యకలాపాలు నిర్వహిస్తున్నాయి. రాష్ట్రంలో నిఘా విభాగం కేంద్ర హోంశాఖ నుంచి వచ్చే సమాచారాన్ని, ఇతర జిల్లాల నుంచి సేకరించిన వివరాలను 13 జిల్లాల పోలీసు శాఖలకు అందిస్తున్నారు. తమకు అందిన సమాచారం ప్రకారం దాదాపు 8మంది దీన్‌దార్ అంజుమన్, మరో ముగ్గురు ఐఎస్ ఉగ్రవాద సంస్థ సానుభూతిపరుల మూలాలు ఆంధ్రలో ఉన్నాయని, వీరి ఆచూకీని కనిపెట్టేందుకు ముమ్మరమైన ప్రయత్నాలు చేపట్టాలని కేంద్ర హోంశాఖ ఇప్పటికే హెచ్చరికలు జారీ చేసింది. లిబియా, ట్యూనీషియాల నుంచి వీరికి సంబంధించిన కీలక సమాచారాన్ని సేకరించేందుకు ఇండియన్ ఎంబసీని కూడా సంప్రదించినట్టు ఆంధ్ర పోలీసు వర్గాలు తెలిపాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.