Others
ఈ చిరుగు మెరుగే..!
S ,7 à 8 RSCA (si SASPAS) et 6 cialis pharmacie cialis rapports de stage.
చిరిగిన డ్రెస్సులు వేసుకోవడం నేడు కొత్త ఫ్యాషన్. ముఖ్యంగా మోకాళ్ల మీద, కింద భాగంలో చిరుగులు ఉండే జీన్ ప్యాంట్లు వేసుకోవడం ఈకాలపు యువతలో వేలం వెర్రిగా మారింది. బాలీవుడ్ నటీనటుల పుణ్యమాని ఈ ట్రెండ్ దేశం మొత్తం వ్యాపించింది. జీన్స్ దుస్తులు ఎప్పుడో రంగప్రవేశం చేసినా, ఇపుడున్నంత ఆదరణ అప్పుడు ఉండేది కాదు. పాశ్చాత్య సంస్కృతి విస్తరించడంతో కొత్త ఫ్యాషన్లపై యువతలో మోజు పెరుగుతోంది. జుట్టు చెదిరిపోయి, చినిగిన దుస్తులను ధరించడం ఇప్పుడో వింత ఫ్యాషన్. చిరిగిన జీన్స్ ఇపుడు విభిన్న శ్రేణుల్లో మార్కెట్లో అందుబాటులో ఉన్నాయి. యువతలో క్రేజ్ పెరగడంతో ఫ్యాషన్ డిజైనర్లు వీటిని వెరైటీగా రూపొందిస్తున్నారు. నచ్చిన మోడల్ ఏదైనా ఎంత డబ్బు పోసి కొనేందుకైనా యువత సిద్ధం అంటోంది. చిరిగిన దుస్తులు వేసుకునేందుకు ఏ మాత్రం సిగ్గు పడడం లేదు. చిరుగుల్లో చెదరనివి అందాలను ప్రదర్శిస్తున్నారు బాలీవుడ్ భామలు. అనుష్క శర్మ, దీపికా పదుకొనె, కత్రినా కైఫ్, ప్రియాంక చోప్రా, సోనాక్షి సిన్హా లాంటి యువ నటీమణులు ‘రిప్డ్ జీన్స్’ (చిరిగిన)లో తెగ సందడి చేస్తున్నారు. మూడు వేల నుంచి ముప్ఫయి వేల వరకు ధర పలికే ఈ జీన్స్‌ను ప్యాషన్ ప్రియులు ఇష్టపడుతున్నారని బ్రాండెడ్ కంపెనీలు చెబుతున్నాయి.
1970 ప్రాంతంలో హాలీవుడ్ పాప్ సింగర్స్ ఈ తరహా జీన్స్ ఎక్కువగా ధరించేవారట! ఆ తర్వాత ఈ ట్రెండ్ ఇతర దేశాల్లోకూ వ్యాపించింది. ఇపుడు మన దేశంలో ఇదో ఫ్యాషన్ కావడంతో చిరిగిన ప్యాంట్లకు తగ్గట్టుగా టీషర్ట్, వాచీ, ప్రత్యేకమైన యాక్సరీస్ కూడా అందుబాటులోకి వచ్చాయి. వీటిని ధరించినపుడు తల వెంట్రుకలను కూడా చిందర వందరగా ఉంచుకోవడం ఈ ఫ్యాషన్ ప్రత్యేకత. వీటిని వేసుకున్నవారు అందరిలోనూ భిన్నంగా కనిపిస్తారు. మోకాలి మీద, ఇంకొంచెం పైభాగంలో చినిగినట్లు కనిపించే కొత్త రకం జీన్స్ ధరిస్తే ‘సమ్‌థింగ్’ స్పెషల్‌గా ఉంటామని యువతీ యువకులు భావిస్తున్నారు. ఫ్యాషన్ ట్రెండ్ ఏదైనా- మనకు నప్పుతుందా? లేదా? అని చూసుకోవడం చాలా ముఖ్యం. వీటి ధర, నాణ్యత, సౌకర్యం గురించి కూడా ఆలోచించాలి. అన్నిటికంటే ముఖ్యంగా అశ్లీలతకు దూరంగా ‘డీసెంట్ అండ్ డిగ్నిఫైడ్’గా వుంటే ఏ దుస్తులైనా చూడముచ్చటగా ఉంటాయి.
Related Articles
నేటి పరిస్థితుల్లో మాస్కులను తప్పనిసరి చేసింది ప్రభుత్వం. ప్రతిరోజూ మాస్కులను మార్చాలంటే ఇబ్బందే.. ఎందుకంటే మార్కెట్లో మాస్కులు దొరకడం లేదు. అందుకని కాటన్ క్లాత్‌తో ఇంట్లోనే మాస్కులను తయారుచేసుకుని వాడుకోవచ్చు. మాస్కులను తయారుచేసుకోవడం సులభమే.. కానీ వాటిని శుభ్రంగా ఉంచుకోవడమే కష్టం..
ప్రస్తుతం మన దేశంలో భారీకాయులు ఎక్కువవుతున్నారని వైద్య నిపుణుల చెబుతున్నారు. గణాంకాల ప్రకారం కోటి నలభై లక్షలమందికి బాల్యంలోనే భారీకాయం వుందని అంచనా. ఈ చిన్నారులు కొద్ది సంవత్సరాల్లో యువతగా రూపాంతరం చెందుతారు. అపుడు ఎక్కువమంది యువకులు భారీకాయులై ఉంటారనడంలో ఆశ్చర్యం లేదు.
అందాలనిచ్చే మొక్కలను పెంచుకోవాలన్న ఆలోచన, అభిరుచి వుంటే సరిపోదు- మొక్కలు పెంచుకోవాలంటే ఉత్సాహంగా వాటిపై ప్రత్యేక శ్రద్ధ పెట్టాలి.
చక్కని గాలి వెలుతురు వుండేలా చూస్తూ, ప్రతిరోజూ వాటికి నీళ్లు పోయాలి. రెండు రోజులు ఊరెళ్లాలన్నా వాటికి నీళ్లెలా అని సతమతవౌతుంటాం.
విద్యార్థులు తమ ఆరోగ్యాన్ని జాగ్రత్తగా చూసుకోవాలి. తినే సమయంలో కూడా పరీక్షల గురించి ఆలోచించరాదు. సరిగా తినకపోవడంవల్ల కలిగే నీరసం కారణంగా చదవాలనిపించదు. అలా అని ఎక్కువగా ఉన్నా కూడా ప్రమాదమే. మితహారం చాలా మంచిది. పప్పుదినుసులు, పాలు, గుడ్లు, ఆకుకూరలు వంటి తేలికపాటి ఆహారాన్ని తీసుకోవాలి.
పండుగరోజుల్లో రవ్వంత బంగారం అయినా కొనుక్కోవాలనుకుంటారు మహిళలు. బంగారం కొనేటప్పుడు సరైన జాగ్రత్తలు తీసుకోకపోతే మాత్రం డబ్బు నష్టపోవడం ఖాయం అంటూ కొన్ని సలహాలను ఇస్తున్నారు నిపుణులు.