బిజినెస్
వరంగల్ ట్రాన్స్‌మిషన్ ప్రాజెక్టు నిర్మాణానికి బిడ్లు ఆహ్వానం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 3: వరంగల్‌లో 9 వేల కోట్ల రూపాయల వ్యయంతో విద్యుత్ ట్రాన్స్‌మిషన్ ప్రాజెక్టు నిర్మాణానికి పవర్ ఫైనాన్స్ కార్పోరేషన్ (పిఎఫ్‌సి) బిడ్లను ఆహ్వానించింది. ఈ బిడ్లను ఈ నెల 29వ తేదీలోగా ఆసక్తి ఉన్న సంస్థలు సమర్పించాల్సి ఉంది. టారిఫ్ ఆధారిత కాంపిటీటివ్ బిడ్డింగ్ ద్వారా వీటికి బిడ్లను ఆహ్వానిస్తారు. కాగా, దేశంలో అతిపెద్ద ట్రాన్స్‌మిషన్ ప్రాజెక్టు వరంగల్‌లో వస్తున్నట్లు పిఎఫ్‌సి అధికారులు తెలిపారు. ఫిబ్రవరి 5వ తేదీన ఈ బిడ్లను ఓపెన్ చేస్తారు. ఫిబ్రవరి 12వ తేదీన తక్కువ టారిఫ్‌ను కోట్ చేసిన సంస్థ పేరును ప్రకటిస్తారు. అనంతరం లెటర్ ఆఫ్ ఇంటెంట్‌ను ఎంపికైన సంస్థకు అందిస్తారు. మరోవైపు బిడ్లను దాఖలు చేయడానికి పవర్ గ్రిడ్ కార్పొరేషన్, స్టెరిలైట్ గ్రిడ్స్, ఎస్సెల్ ఇన్‌ఫ్రా ప్రాజెక్టు, అదానీ ట్రాన్స్‌మిషన్, రిలయన్స్ పవర్ ట్రాన్స్‌మిషన్ సంస్థలు పోటీ పడుతున్నాయి. వరంగల్‌లో 765/400 కెవి సబ్‌స్టేషన్లను ఏర్పాటు చేస్తారు. వరోరా నుంచి వరంగల్, వరంగల్ నుంచి హైదరాబాద్, హైదరాబాద్ నుంచి కర్నూలు, వరంగల్ నుంచి చిలుకలూరిపేట మధ్య విద్యుత్ పంపిణీకి ఈ ప్రాజెక్టు ఉపయోగపడుతుంది. ఇందులో 400 కెవి డబుల్ సర్క్యూట్ లైన్ల వ్యవస్థలు రెండున్నాయి. సదరన్ గ్రిడ్‌లో వరంగల్ ట్రాన్స్‌మిషన్ ప్రాజెక్టు కీలకం కానుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.