బిజినెస్
బ్లాక్ మండే
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 4: దేశీయ స్టాక్ మార్కెట్లు సోమవారం భారీ నష్టాలను చవిచూశాయి. చైనా ఆర్థిక పరిస్థితులపై ఆందోళనలు, మిడిల్ ఈస్ట్ దేశాల్లో నెలకొన్న భౌగోళిక రాజకీయ అనిశ్చితి మదుపరుల పెట్టుబడులను దెబ్బతీశాయి. ఫలితంగా బాంబే స్టాక్ ఎక్స్‌చేంజ్ సూచీ సెనె్సక్స్ మూడు నెలలకుపైగా కనిష్ట స్థాయికి దిగజారితే, నేషనల్ స్టాక్ ఎక్స్‌చేంజ్ సూచీ నిఫ్టీ నాలుగు నెలలకుపైగా కనిష్ట స్థాయికి పతనమైంది. ఉదయం ప్రారంభం నుంచే సూచీలు నష్టాల్లో మొదలయ్యాయి. సెనె్సక్స్ 190 పాయింట్లు, నిఫ్టీ 50 పాయింట్ల వరకు కోల్పోయాయి. సమయం గడుస్తున్నకొద్దీ నష్టాలు మరింత ఎక్కువైపోగా, చివరకు సెనె్సక్స్ 537.55 పాయింట్లు క్షీణించి 25,623.35 వద్ద ముగిసింది. గత ఏడాది సెప్టెంబర్ 22 తర్వాత ఈ స్థాయికి రావడం ఇదే. నిఫ్టీ సైతం 171.90 పాయింట్లు పడిపోయి 7,791.30 వద్ద స్థిరపడింది. గత ఏడాది సెప్టెంబర్ 1 తర్వాత నిఫ్టీ ఒకరోజులో ఇంతగా నష్టపోవడం ఇదే తొలిసారి. నాడు 185.45 పాయింట్లు చేజార్చుకుంది. సోమవారం ఫారెక్స్ మార్కెట్ ఇంట్రా-డే ట్రేడింగ్‌లో డాలర్‌తో పోల్చితే రూపాయి మారకం విలువ 45 పైసలు క్షీణించడం, అంతర్జాతీయ మార్కెట్‌లో ముడి చమురు ధరలు 1.64 శాతం పెరిగి 37.89 డాలర్లను తాకడం వంటివి స్టాక్ మార్కెట్ సెంటిమెంట్‌కు విఘాతం కలిగించింది. దీంతో సూచీలు భారీ నష్టాలకు లోనవ్వాల్సి వచ్చింది. ఇకపోతే టెలికాం, బ్యాంకింగ్, ఇండస్ట్రియల్స్, ఆటో, రియల్టీ, క్యాపిటల్ గూడ్స్, హెల్త్‌కేర్, టెక్నాలజీ, చమురు, గ్యాస్, మెటల్, ఐటి, విద్యుత్ రంగాల షేర్ల విలువ 3.20 శాతం నుంచి 1.54 శాతం పతనమైంది. అంతర్జాతీయంగా ఆసియా మార్కెట్లలో జపాన్, హాంకాంగ్, దక్షిణ కొరియా, సింగపూర్ సూచీలు 6.86 శాతం నుంచి 1.62 శాతం నష్టపోయాయి. ఐరోపా మార్కెట్లలోనూ జర్మనీ, ఫ్రాన్స్, బ్రిటన్ సూచీలు ఆరంభంలో నష్టాల్లోనే కదలాడాయి. 3.61 శాతం నుంచి 2.15 శాతం కోల్పోయాయి. అమెరికా మార్కెట్లూ నష్టపోయాయ.
రూ. 100 లక్షల కోట్ల దిగువకు..
మరోవైపు బిఎస్‌ఇ సంస్థల మార్కెట్ విలువ సోమవారం 100 లక్షల కోట్ల రూపాయల దిగువకు దిగజారింది. అంతర్జాతీయ ఆందోళనల మధ్య మదుపరుల లాభాల స్వీకరణతో ఆయా సంస్థల మార్కెట్ విలువ సుమారు 1.54 లక్షల కోట్ల రూపాయలు పడిపోయింది. ఈ క్రమంలో బిఎస్‌ఇలో లిస్టయిన సంస్థల మార్కెట్ విలువ 99,39,378 లక్షల కోట్ల రూపాయలకు క్షీణించింది. శుక్రవారం మార్కెట్ ముగిసే సమయంలో ఇది 100.93 లక్షల కోట్ల రూపాయలుగా ఉంది. కాగా, బిఎస్‌ఇ సంస్థల మార్కెట్ విలువ తొలిసారి 100 లక్షల కోట్ల రూపాయల మార్కును 2014 నవంబర్ 28న అందుకుంది. కాగా, తీవ్ర ఒడిదుడు కుల మధ్య ఆయా సంస్థల మార్కెట్ విలువలు ఇటీవలి ట్రేడింగ్‌లలో పడుతూ లేస్తూ సాగుతున్నాయ.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.