బిజినెస్
ఫ్లిప్‌కార్ట్ సిఇఒగా బిన్ని బన్సల్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 11: దేశీయ ఈ-కామర్స్ దిగ్గజం ఫ్లిప్‌కార్ట్ కొత్త సిఇఒగా సంస్థ వ్యవస్థాపకుల్లో ఒకరైన బిన్ని బన్సల్ నియమితులయ్యారు. తన సహ వ్యవస్థాపకుడు సచిన్ బన్సల్ స్థానంలో బిన్ని బాధ్యతలు చేపడుతుండగా, ఫ్లిప్‌కార్ట్ ఎగ్జిక్యూటివ్ చైర్మన్‌గా ఇకపై సచిన్ బన్సల్ వ్యవహరించనున్నారు. బిన్ని బన్సల్ ఇప్పటిదాకా సంస్థ చీఫ్ ఆపరేటింగ్ ఆఫీసర్‌గా పనిచేశారు. సచిన్ బన్సల్, బిన్ని బన్సల్ కలిసి 2007లో ఫ్లిప్‌కార్ట్‌ను స్థాపించారు. కాగా, అమెరికాలో ఇనీషియల్ పబ్లిక్ ఆఫర్ (ఐపిఒ)కు ఫ్లిప్‌కార్ట్ వెళ్లనున్న క్రమంలోనే ఈ మార్పులు చోటుచేసుకున్నట్లు వినిపిస్తోంది.
సిసిఐ చైర్మన్‌గా దేవేందర్ కుమార్ సిక్రీ
న్యూఢిల్లీ, జనవరి 11: ఫెయర్ ట్రేడ్ రెగ్యులేటరైన కాంపిటీషన్ కమిషన్ ఆఫ్ ఇండియా (సిసిఐ) నూతన చైర్మన్‌గా దేవేందర్ కుమార్ సిక్రీ సోమవారం ఇక్కడ ప్రమాణం చేశారు. ఈ మేరకు కేంద్ర ఆర్థిక మంత్రిత్వ శాఖ ట్విట్టర్‌లో పేర్కొంది. అశోక్ చావ్లా ఈ నెల 7న పదవీ విరమణ పొందడంతో ఆయన స్థానంలో సిక్రీ బాధ్యతల్లోకి వచ్చారు. 2011 జూన్‌లో ధనేంద్ర కుమార్ నుంచి సిసిఐ చైర్మన్ బాధ్యతలను చావ్లా తీసుకోగా, ఈయన మాజీ ఆర్థిక కార్యదర్శి. కాగా, 62 ఏళ్ల సిక్రీ.. గుజరాత్ కేడర్ మాజీ ఐఎఎస్ అధికారి. సిసిఐ చైర్మన్‌గా ఆయన మూడో వ్యక్తి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.