బిజినెస్
ఆర్థిక ఫలితాలపై ఆధారం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 22: ప్రభుత్వరంగ బ్యాంకింగ్ దిగ్గజం ఎస్‌బిఐ, బొగ్గు ఉత్పాదక దిగ్గజం కోల్ ఇండియా తదితర బ్లూచిప్ సంస్థల త్రైమాసిక ఆర్థిక ఫలితాలు ఈ వారం మార్కెట్ సరళిని నిర్దేశిస్తాయని నిపుణులు అంచనా వేస్తున్నారు. వర్ష సమాచారం కూడా మార్కెట్ పోకడను ప్రభావితం చేయగలదని చెబుతున్నారు. అయితే గురువారంతో ఈ నెల డెరివేటివ్స్ కాంట్రాక్టుల గడువు ముగియనుండటంతో సూచీలు ఒడిదుడుకులకు లోనుకావచ్చన్న అభిప్రాయాలు వ్యక్తమవుతున్నాయి. డాలర్‌తో పోల్చితే రూపాయి మారకం విలువ, గ్లోబల్ మార్కెట్‌లో ముడి చమురు ధరలు, అంతర్జాతీయ స్టాక్ మార్కెట్ల తీరుతెన్నులు, విదేశీ మదుపరుల పెట్టుబడులు కూడా స్టాక్ మార్కెట్ల ట్రేడింగ్‌ను శాసించనున్నాయి. ‘వర్షాల ప్రగతికి సంబంధించిన సమాచారం, అంతర్జాతీయ స్టాక్ మార్కెట్ల తీరు, ప్రభుత్వ, ప్రైవేట్‌రంగ సంస్థలు ప్రకటించే ఆర్థిక ఫలితాలపై ఈ వారం స్టాక్ మార్కెట్ల కదలికలు ఆధారపడి ఉంటాయి.’ అని ట్రేడ్ స్మార్ట్ ఆన్‌లైన్ వ్యవస్థాపక డైరెక్టర్ విజయ్ సింఘానియా అన్నారు. ఇక గత ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చికిగాను ఆర్థిక ఫలితాలను ఈ వారం బిపిసిఎల్, టాటా పవర్, సిప్లా, టెక్ మహీంద్ర, బజాజ్ ఆటో, గెయిల్, టాటా స్టీల్, ఎల్‌అండ్‌టి, బిహెచ్‌ఇఎల్, ఎస్‌బిఐ, కోల్ ఇండియా తదితర సంస్థలు ప్రకటిస్తున్నాయి. దీంతో వీటి ఆధారంగా మదుపరులు తమ పెట్టుబడులపై ఓ నిర్ణయానికి రావచ్చని మార్కెట్ విశే్లషకులు పేర్కొంటున్నా రు. ముఖ్యంగా ఇప్పటివరకు ప్రభుత్వరంగ బ్యాం కులన్నీ మొండి బకాయిల కారణంగా పేలవమైన ఆర్థిక ఫలితాలను ప్రకటించిన నేపథ్యంలో ఎస్‌బిఐ ఫలితాల కోసం మదుపరులు ఎంతో ఆసక్తితో ఎదురుచూస్తున్నారని రిలయన్స్ సెక్యూరిటీస్ ఓ ప్రకటనలో వ్యాఖ్యానించింది. ఇక గత రెండేళ్లు వర్షాలు ఆశించిన స్థాయిలో పడకపోవడంతో ఈ ఏడాది వర్షాలు సమృద్ధిగా కురుస్తాయన్న అంచనాల మధ్య వర్ష సమాచారమూ మార్కెట్లను అమితంగా ప్రభావితం చేస్తోందని మోతీలాల్ ఓస్వాల్ ఫైనాన్షియల్ సర్వీసెస్ సిఎండి మోతీలాల్ ఓస్వాల్ అన్నారు. గత వారం బాంబే స్టాక్ ఎక్స్‌చేంజ్ సూచీ సెనె్సక్స్ 187.67 పాయింట్లు, నేషనల్ స్టాక్ ఎక్స్‌చేంజ్ సూచీ నిఫ్టీ 65.20 పాయింట్లు నష్టపోయినది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.