బిజినెస్
రూ. 4,460 కోట్లు ఢమాల్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 3: మూలిగే నక్కమీద తాటిపండు పడ్డ చందంగా తయారైంది బ్యాంకర్ల పరిస్థితి. ఇప్పటికే విజయ్ మాల్యా వంటి బడా కార్పొరేట్ల మొండి బకాయిలతో తలబొప్పి కట్టించుకున్న బ్యాంకులకు ఇప్పుడు జేపీ గ్రూప్ సంస్థలు మరింత తలపోటులా మారాయి. 4,460 కోట్ల రూపాయల రుణాలు, చెల్లింపులపై ఈ సంస్థలు విఫలమయ్యాయి మరి. బ్యాంకుల నుంచి తీసుకున్న రుణాల విలువ 2,905.6 కోట్ల రూపాయలుగా ఉంటే, ఇతరత్రా వడ్డీ చెల్లింపులు 1,558.93 కోట్ల రూపాయలుగా ఉన్నాయి. ఈ ఏడాది మార్చి 31 నాటికి జయప్రకాశ్ అసోసియేట్స్ రుణం 2,183.17 కోట్ల రూపాయలుగా, జయప్రకాశ్ పవర్ వెంచర్స్ రుణం 688.48 కోట్ల రూపాయలుగా, జేపీ సిమెంట్ రుణం 33.95 కోట్ల రూపాయలుగా ఉన్నాయి. వీటిపై వడ్డీ బకాయిలు జయప్రకాశ్ అసోసియేట్స్‌కు 837.45 కోట్ల రూపాయలుగా, జయప్రకాశ్ పవర్ వెంచర్స్‌కు 152.18 కోట్ల రూపాయలుగా, జేపీ సిమెంట్ కార్పొరేషన్‌కు 63.13 కోట్ల రూపాయలుగా ఉన్నాయి. ఇవేగాక జేపీ గ్రూప్‌లోని ప్రగ్యరాజ్ పవర్ జనరేషన్ లిమిటెడ్‌పై వడ్డీ భారం 308.66 కోట్ల రూపాయలుగా, జేపీ ఇన్‌ఫ్రాటెక్‌పై 193.08 కోట్ల రూపాయలుగా, జేపీ ఆగ్రా వికాస్ లిమిటెడ్‌పై 3.01 కోట్ల రూపాయలుగా ఉంది. మరో 75 లక్షల రూపాయలు మధ్యప్రదేశ్ జేపీ మినరల్స్ లిమిటెడ్‌పై 67 లక్షల రూపాయలు భిలాయ్ జేపీ సిమెంట్‌పై వడ్డీ భారం ఉంది. గత ఆర్థిక సంవత్సరం (2015-16)లో జేపీ గ్రూప్‌లోని బడా సంస్థ అయిన జయప్రకాశ్ అసోసియేట్స్ ఏకీకృత నష్టాలు 3,345 కోట్ల రూపాయలకు పెరిగాయి. అంతకుముందు ఆర్థిక సంవత్సరం (2014-15) ఈ నష్టాలు 1,735.10 కోట్ల రూపాయలుగా ఉన్నాయి. ఈ విపత్కర పరిణామాల మధ్య కుమారమంగళమ్ బిర్లా నేతృత్వంలోని అల్ట్రాటెక్‌కు తమ సిమెంట్ వ్యాపారాన్ని అమ్మేస్తున్నట్లు జేపీ గ్రూప్ ఇప్పటికే ప్రకటించినది తెలిసిందే.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.