బిజినెస్
‘అసహనం’పై స్నాప్‌డీల్ ఆత్మరక్షణ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 25: దేశంలో అసహనం తీవ్రతరంపై బాలీవుడ్ ప్రముఖ నటుడు ఆమీర్ ఖాన్ చేసిన వ్యాఖ్యలు సర్వత్రా విమర్శలకు దారి తీసిన నేపథ్యంలో ఆయన బ్రాండ్ అంబాసిడర్‌గా ఉన్న ఆన్‌లైన్ మార్కెటీర్ స్నాప్‌డీల్ స్పందించింది. ఆయన వ్యాఖ్యలతో తమ సంస్థకు ఎలాంటి సంబంధం లేదని బుధవారం ప్రకటించింది. ఆమీర్ వ్యాఖ్యల ప్రభావంతో నెటిజన్లు ఇప్పటికే స్నాప్‌డీల్ యాప్‌ను తమ సోషల్ నెట్‌వర్క్‌ల నుంచి పెద్ద ఎత్తున తొలగించి నిరసన వ్యక్తం చేసిన సంగతి తెలిసిందే. ఈ సంఖ్య మరింతగా పెరుగుతుండటంతో స్నాప్‌డీల్ స్పందించింది. మరోవైపు ఫ్లిప్‌కార్ట్ కూడా స్నాప్‌డీల్‌కు బాసటగా నిలిచింది. బ్రాండ్ అంబాసిడర్ల వ్యక్తిగత అభిప్రాయాలతో తమకు ఎలాంటి సంబంధం ఉండదని ఫ్లిప్‌కార్ట్ సహ వ్యవస్థాపకుడు సచిన్ బన్సల్ అన్నారు. ఓ ఇంటర్వ్యూలో ఆమీర్ ఖాన్.. భారత్‌లో అసహనం పెరిగిపోతోందని, ఒకానొక దశలో తన భార్య కిరణ్ రావు దేశం విడిచి వెళ్ళిపోదామంటూ ఆందోళన వ్యక్తం చేసిందని అన్నారు. దీంతో దేశవ్యాప్తంగా నిరసనలు వెల్లువెత్తాయి. ఆమీర్ ఖాన్ అభిమానులతోపాటు సినీ, రాజకీయ ఇతరత్రా రంగాలవారు అభ్యంతరం వ్యక్తం చేశారు. ఇకపై ఆమీర్ ఖాన్ సినిమాలు చూడబోమంటూ ఆయన ప్రచారం చేసే ఉత్పత్తులనూ కొనేది లేదంటూ సామాజిక వెబ్‌సైట్లలో స్పందించారు. ఈ క్రమంలోనే స్నాప్‌డీల్ యాప్‌ను తొలగించేశారు. అయితే తన వ్యాఖ్యలను వక్రీకరించారని, తాను భారత్‌లో పుట్టడం తన అదృష్టమని ఆమీర్ చివరకు వివరణ ఇచ్చుకున్నప్పటికీ నిరసనల వెల్లువ మాత్రం ఆగడం లేదు. దీంతో ఆత్మరక్షణలో పడిన స్నాప్‌డీల్ ఆమీర్ ఖాన్ వ్యాఖ్యలు ఆయన వ్యక్తిగతమని, భారత సంస్కృతి, సంప్రదాయాలను స్నాప్‌డీల్ గౌరవిస్తుందని, డిజిటల్ ఇండియాలో భాగస్వాములమవుతామని, స్నాప్‌డీల్.. ఇక్కడి యువతకు ఆదర్శంగా ఉంటుందని స్పష్టం చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.