జాతీయ వార్తలు
బిల్లు కట్టకపోతే ఆస్తుల జప్తు..!
S ,7 à 8 RSCA (si SASPAS) et 6 cialis pharmacie cialis rapports de stage.
1029 రూపాయల కోసం ‘కలాం’కు బిఎస్‌ఎన్‌ఎల్ నోటీసు
రికవరీ అధికారి అత్యుత్సాహం
న్యూఢిల్లీ, డిసెంబర్ 4: మనిషి ఉన్నాడో లేడో.. ఆయన హోదా ఏమిటో తెలుసుకోకుండా ముక్కు పిండి మరీ బిల్లులు వసూలు చేయడం వ్యాపార సంస్థలకు ఆనవాయితీ.. నీతి నిజాయితీలకు పెట్టింది పేరుగా, చివరి వరకూ తనకంటూ ఏమి మిగుల్చుకోకుండానే తనువు చాలించిన మాజీ రాష్టప్రతి అబ్దుల్ కలాం బిఎస్‌ఎన్‌ఎల్‌కు 1029రూపాయిలు బాకీ పడ్డారు. తిరువనంతపురంలోని కేరళ రాజ్‌భవన్‌లో ఆయన రెండు రోజులు ఉన్నప్పుడు చేసిన ఫోన్‌లకు సంబంధించిన బిల్లు ఇది. ఈ బాకీ మొత్తాన్ని రాబట్టేందుకు అబ్దుల్ కలాంకు సదరు బిఎస్‌ఎన్‌ఎల్ ఆపరేటర్ నోటీసు పంపాడు. అది కూడా ఆయన మరణించిన నాలుగు నెలల తర్వాత..! టెలిఫోన్ బిల్లు బాకీని కట్టక పోతే ఆస్తులు జప్తు చేసుకుంటామని కూడా గత నెల 18న పంపిన ఆ నోటీసులో హెచ్చరించాడు. ‘మీ ఫోన్ (27248000) బిల్లు దీర్ఘకాలంగా పెండింగ్‌లో ఉంది. వన్‌టైమ్ సెటిల్‌మెంట్ చేసుకోండి లేకపోతే ‘రికవరీ యాక్షన్’ తీసుకుంటాం’ అని స్పష్టం చేశాడు. అంతే కాదు, బాకీ చెల్లించక పోతే ‘కలాం’ స్థిర, చరాస్థులను స్వాధీనం చేసుకోవాలని తిరువనంతపురంలోని ఓ రికవరీ అధికారికీ బిఎస్‌ఎన్‌ఎల్ నుంచి ఆదేశాలు వెళ్లాయి. కలాం ఫోన్ బిల్లు బాకీ విషయంలో తదుపరి ఇబ్బందులు లేకుండా ఆ మొత్తాన్ని చెల్లించాలని కేరళ రాజ్‌భవన్ నిర్ణయించింది. రాష్టప్రతిగా పదవీ విరమణ చేసిన తర్వాత కూడా రాజ్‌భవన్‌లోని ఓ సూట్‌లో కలాం ఉండేవారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.