బిజినెస్
స్టాక్ మార్కెట్లో పెట్టుబడుల ద్వారా ఎల్‌ఐసికి రూ.11 వేల కోట్ల లాభం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 7: జీవిత బీమా సంస్థ (ఎల్‌ఐసి) ఇటీవల ముగిసిన 2015-16 ఆర్థిక సంవత్సరంలో ఈక్విటీల్లో పెట్టుబడుల ద్వారా 11 వేల కోట్ల రూపాయల లాభాన్ని ఆర్జించినట్లు ఆ సంస్థ ఉన్నతాధికారి ఒకరు గురువారం చెప్పారు. ఈ ఆర్థిక సంవత్సరంలోకొన్ని లాభాల స్వీకరణ అవకాశాలు లభించాయని, ఫలితంగా ఇటీవల ముగిసిన 2015-16 ఆర్థిక సంవత్సరంలో ఈక్విటీల్లో పెట్టుబడుల ద్వారా రూ 11 వేల కోట్లు ఆర్జించామని ఎల్‌ఐసి పెట్టుబడుల కార్యకలాపాల విభాగం ఎగ్జిక్యూటివ్ డైరెక్టర్ ప్రవీణ్ కుటుంబె ఇక్కడొక కార్యక్రమం నేపథ్యంలో విలేఖరులతో మాట్లాడుతూ చెప్పారు. గత ఆర్థిక సంవత్సరం ఎల్‌ఐసి ఈక్విటీ, డెట్ మార్కెట్లలో 2.70 లక్షల కోట్ల రూపాయలు పెట్టుబడులు పెట్టిందని, ఇందులో రూ 65 వేల కోట్లు ఈక్విటీ విభాగంలో పెట్టుబడి పెట్టిందని ఆయన చెప్పారు. ఏడాది చివరి భాగంలో మార్కెట్లు ఒత్తిళ్లకు లోనయిన నేపథ్యంలో ఎల్‌ఐసి ఇంతకు ముందు ప్రకటించిన తన ఈక్విటీ పెట్టుబడుల లక్ష్యమైన 60 వేల కోట్లను మించి పెట్టుబడులు పెట్టినట్లు ఆయన చెప్పారు. క్లిష్ట సమయంలో కూడా 52 వారాల గరిష్ఠ స్థాయికి చేరుకున్న స్టాక్స్ కొన్ని ఉన్నాయని, అలాంటి పెట్టుబడులనుంచి వైదొలగడం ద్వారా ఎల్‌ఐసి లాభాలు సంపాదించిందని ఆయన చెప్పారు.
ఇదిలావుంటే,జపాన్‌కు చెందిన ఫైనాన్షియల్ సర్వీసుల దిగ్గజం నోమురా ఎల్‌ఐసితో కలిసి సంయుక్తంగా నిర్వహిస్తున్న మ్యూచువల్ ఫండ్ వ్యాపారంలో ఆ సంస్థకున్న 35 శాతం వాటాను అమ్మడానికి కాంపిటిషన్ కమిషన్ ఆఫ్ ఇండియా ఆమోదం తెలియజేసింది. ఎల్‌ఐసి నోమురా మ్యూచువల్ ఫండ్ ఎఎంసి, ఎల్‌ఐసి నోమురా మ్యూచువల్ ఫండ్ ట్రస్టీ కంపెనీలో ఉన్న 35 శాతం వాటాను నోమురా అసెట్ మేనేజిమెంట్ స్ట్రాటజిక్ ఇనె్వస్ట్‌మెంట్ విక్రయిస్తుంది.ఈ వాటాలను జిఐసి హౌసింగ్ ఫైనాన్స్, కార్పొరేషన్ బ్యాంక్, ఎల్‌ఐసి హౌసింగ్ ఫైనాన్స్ సంస్థలు కొనుగోలు చేయనున్నాయి. ఈ లావాదేవీని సిసిఐ ఆమోదించినట్లు ఆ సంస్థ వెబ్‌సైట్‌లో ఉంచిన తాజా సమాచారాన్ని బట్టి తెలుస్తోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.