బిజినెస్
ఎఫ్‌సిఎన్‌ఆర్(బి) డిపాజిట్లపై వడ్డీ పెంచిన ఇండియన్ బ్యాంకు
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, డిసెంబర్ 8: దేశంలోని ప్రభుత్వ రంగ బ్యాంకుల్లో ఒకటైన ఇండియన్ బ్యాంకు తమ ఫారిన్ కరెన్సీ నాన్-రెసిడెంట్ (బ్యాంకింగ్) (ఎఫ్‌సిఎన్‌ఆర్-బి) టర్మ్ డిపాజిట్లకు సంబంధించిన వడ్డీ రేట్లను సవరించింది. ఏడాది నుంచి రెండేళ్లలోపు కాలపరిమితితో అమెరికన్ డాలర్లలో చేసిన ఎఫ్‌సిఎన్‌ఆర్(బి) డిపాజిట్లపై ప్రస్తుతం 2.02 శాతంగా ఉన్న వడ్డీరేటును 2.11 శాతానికి, రెండేళ్ల నుంచి మూడేళ్లలోపు కాలపరిమితి కలిగివున్న డిపాజిట్లపై వడ్డీ రేటును 2.12 శాతం నుంచి 2.32 శాతానికి పెంచినట్లు ఇండియన్ బ్యాంకు పేర్కొంది. అలాగే మూడు నుంచి నాలుగేళ్లలోపు కాలపరిమితి కలిగిన డిపాజిట్లపై వడ్డీరేటును 2.70 శాతం నుంచి 3.01 శాతానికి, నాలుగు నుంచి ఐదేళ్లలోపు డిపాజిట్లపై వడ్డీరేటును 2.77 శాతం నుంచి 3.16 శాతానికి, ఐదేళ్ల వరకు కాలపరిమితి కలిగివున్న డిపాజిట్లపై వడ్డీ రేటును 2.86 శాతం నుంచి 3.29 శాతానికి పెంచామని ఇండియన్ బ్యాంకు వివరించింది. సవరించిన వడ్డీరేట్లన్నీ తక్షణమే అమలులోకి వస్తాయని ఆ బ్యాంకు స్పష్టం చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.