బిజినెస్
డిమానిటైజేషన్‌లోనూ హెచ్‌యుఎల్ దూకుడు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 23: ఎఫ్‌ఎమ్‌సిజి దిగ్గజం హిందుస్థాన్ యునిలివర్ లిమిటెడ్ (హెచ్‌యుఎల్) స్టాండలోన్ నికర లాభం ప్రస్తుత ఆర్థిక సంవత్సరం (2016-17) మూడో త్రైమాసికం (అక్టోబర్-డిసెంబర్)లో 1,037.93 కోట్ల రూపాయలుగా నమోదైంది. గత ఆర్థిక సంవత్సరం (2015-16) అక్టోబర్-డిసెంబర్‌లో ఇది 971.66 కోట్ల రూపాయలుగా నమోదవగా, ఈసారి 6.82 శాతం పెరిగినట్లైంది. అయితే ఆదాయం మాత్రం 0.79 శాతం పడిపోగా, ఈసారి 8,317.94 కోట్ల రూపాయలుగా, నిరుడు 8,384.68 కోట్ల రూపాయలుగా ఉంది. పాత పెద్ద నోట్ల రద్దు నేపథ్యంలో ఆదాయం కాస్త తగ్గిపోయిందని, అయినప్పటికీ అమ్మకాలు పెద్దగా పడిపోలేదని హెచ్‌యుఎల్ చైర్మన్ హరీశ్ మన్వానీ ఓ ప్రకటనలో తెలిపారు. కాగా, హోమ్ సెగ్మెంట్ నుంచి సంస్థ ఆదాయం 1.02 శాతం వృద్ధి చెంది 2,689.06 కోట్ల రూపాయలుగా, పర్సనల్ ప్రోడక్ట్స్ నుంచి ఆదాయం 2.69 శాతం దిగజారి 3,980.17 కోట్ల రూపాయలుగా ఉంది. రిఫ్రెష్‌మెంట్ సెగ్మెంట్ ఆదాయం 0.46 శాతం పెరిగి 278.5 కోట్ల రూపాయలుగా, ఆహారోత్పత్తుల విభాగం ఆదాయం 8.14 శాతం ఎగబాకి 1,164.12 కోట్ల రూపాయలుగా ఉంది. ఇక ఎగుమతులు, త్రాగునీరు, శిశు సంరక్షణ ఉత్పత్తుల వ్యాపారం ద్వారా వచ్చే ఆదాయం ఈసారి గతంతో పోల్చితే 27.33 శాతం క్షీణించింది. 195.4 కోట్ల రూపాయలుగానే నమోదైంది. కాగా, దేవ్ బాజ్‌పాయ్‌ని సంస్థ బోర్డులోకి డైరెక్టర్‌గా హెచ్‌యుఎల్ తీసుకుంది. 2010 మేలో సంస్థ మేనేజ్‌మెంట్ కమిటీ సభ్యుడిగా, కార్యదర్శి, లీగల్ విభాగం ఎగ్జిక్యూటివ్ డైరెక్టర్‌గా బాజ్‌పాయ్ నియమితులయ్యారు. బాంబే స్టాక్ ఎక్స్‌చేంజ్‌లో సోమవారం జరిగిన ట్రేడింగ్‌లో హెచ్‌యుఎల్ షేర్ విలువ 0.25 శాతం పెరిగి 863.25 రూపాయల వద్ద స్థిరపడింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.