బిజినెస్
హెచ్‌యుఎల్ లాభం రూ. 1,090 కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ/ముంబయి, మే 9: ఎఫ్‌ఎమ్‌సిజి దిగ్గజం హిందుస్థాన్ యునిలివర్ లిమిటెడ్ (హెచ్‌యుఎల్) స్టాండలోన్ నికర లాభం గత ఆర్థిక సంవత్సరం (2015-16) చివరి త్రైమాసికం, ఈ ఏడాది జనవరి-మార్చిలో 7.02 శాతం పెరిగింది. 1,089.59 కోట్ల రూపాయలుగా నమోదైంది. అంతకుముందు ఆర్థిక సంవత్సరం (2014-15) జనవరి-మార్చిలో 1,018.08 కోట్ల రూపాయలుగా ఉంది. ఈ మేరకు సోమవారం ఓ ప్రకటనలో హెచ్‌యుఎల్ స్పష్టం చేసింది. ఆదాయం విషయానికొస్తే ఈసారి నికర అమ్మకాలు 3.36 శాతం పెరిగి 7,809.40 కోట్ల రూపాయలుగా ఉన్నాయి. అంతకుముందు 7,555 కోట్ల రూపాయలుగా ఉన్నాయి. ఇక సంస్థ లాభం ఏకీకృత ఆధారంగా చూస్తే ఈ జనవరి-మార్చిలో 6.43 శాతం క్షీణించి 4,082.42 కోట్ల రూపాయలుగా, నిరుడు 4,363.08 కోట్ల రూపాయలుగా ఉంది. నికర అమ్మకాలు మాత్రం 4.11 శాతం ఎగిసి 31,199.72 కోట్ల రూపాయల నుంచి 32,482.72 కోట్ల రూపాయలకు పెరిగాయి. ఇదిలావుంటే ఈ మార్చి 31తో ముగిసిన మొత్తం గత ఆర్థిక సంవత్సరానికిగాను రూపాయి విలువ కలిగిన ప్రతి ఈక్విటీ షేర్‌పై 9.50 రూపాయల తుది డివిడెండ్‌ను సోమవారం జరిగిన బోర్డు సమావేశంలో హెచ్‌యుఎల్ ఆమోదించింది.
వర్ధమాన్ టెక్స్‌టైల్స్ లాభం రెండింతలు
వర్ధమాన్ టెక్స్‌టైల్స్ నికర లాభం ఈ జనవరి-మార్చిలో రెండింతలకుపైగా పెరిగింది. 217.49 కోట్ల రూపాయలుగా నమోదైంది. నిరుడు 90.2 కోట్ల రూపాయలుగానే సంస్థ లాభం ఉంది. అయినప్పటికీ నికర అమ్మకాలు ఈసారి 1.26 శాతం తగ్గడం గమనార్హం. క్రిందటిసారితో పోల్చితే 1,407.79 కోట్ల రూపాయల నుంచి 1,389.93 కోట్ల రూపాయలకు తగ్గాయి. ఇక మొత్తం గత ఆర్థిక సంవత్సరం సంస్థ లాభం 653.05 కోట్ల రూపాయలుగా ఉంది. అంతకుముందు ఆర్థిక సంవత్సరం 359.11 కోట్ల రూపాయలుగా ఉండగా, నికర అమ్మకాలు మాత్రం 5,742.03 కోట్ల రూపాయల నుంచి 5,587.14 కోట్ల రూపాయలకు తగ్గాయని సోమవారం సంస్థ పేర్కొంది.
క్షీణించిన ఐసిఐసిఐ లాంబార్డ్ లాభం
ఐసిఐసిఐ లాంబార్డ్ జనరల్ ఇన్సూరెన్స్ నికర లాభం ఈ జనవరి-మార్చి త్రైమాసికంలో 8.5 శాతం క్షీణించింది. 119 కోట్ల రూపాయలుగా నమోదైంది. నిరుడు 130 కోట్ల రూపాయలుగా ఉంది. మొత్తం గత ఆర్థిక సంవత్సరం లాభం కూడా 5.4 శాతం పడిపోయి 507 కోట్ల రూపాయలకే పరిమితమైంది. అంతకుముందు ఆర్థిక సంవత్సరం ఇది 536 కోట్ల రూపాయలుగా ఉంది. కాగా. తమిళనాడులో సంభవించిన వరదలు సంస్థ లాభాన్ని దెబ్బతీశాయని సంస్థ పేర్కొంది. మునుపెన్నడూ లేనివిధంగా సంభవించిన భీకర వర్షాలకు ఆస్తి, ప్రాణ నష్టం భారీగా జరిగినది తెలిసిందే. దీంతో బీమా క్లయిమ్‌లు అధికంగా వచ్చినట్లు ఐసిఐసిఐ లాంబార్డ్ సోమవారం తెలియజేసింది.
సగానికి పడిపోయన ఆల్‌స్టమ్ లాభం
ఆల్‌స్టమ్ ఇండియా నికర లాభం ఈ జనవరి-మార్చి త్రైమాసికంలో 62 శాతం క్షీణించి 27.40 కోట్ల రూపాయలుగా నమోదైంది. పోయనసారి 71.93 కోట్ల రూపాయలుగా ఉంది. ఆదాయం ఈసారి 373.25 కోట్ల రూపాయలుగా నమోదైంది. క్రిందటిసారి 808.35 కోట్ల రూపాయలుగా ఉన్నట్లు సోమవారం చెప్పింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.