బిజినెస్
షేర్ బైబ్యాక్ ఆఫర్‌కు ఆమోదం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 19: ఇన్ఫోసిస్ బోర్డు షేర్ బైబ్యాక్ ఆఫర్‌ను ఆమోదించింది. 13,000 కోట్ల రూపాయల వరకు ఉన్న ఈ ప్లాన్‌కు శనివారం ఇన్ఫోసిస్ పచ్చజెండా ఊపింది. సంస్థ సిఇఒ విశాల్ సిక్కా శుక్రవారం రాజీనామా చేసిన నేపథ్యంలో బోర్డు తీసుకున్న అతిపెద్ద నిర్ణయం ఇదే. సిక్కా పనితీరు, ఆయనకు ఇస్తున్న వేతనంపట్ల ఇన్ఫోసిస్ వ్యవస్థాపకులు తీవ్ర అసంతృప్తిలో ఉన్నారు. ఈ క్రమంలోనే ఎన్‌ఆర్ నారాయణ మూర్తి తదితరులు చేస్తున్న విమర్శల మధ్య సిఇఒగా సిక్కా తప్పుకున్నారు. ఇకపోతే ఒక్కో షేర్‌ను 1,150 రూపాయల చొప్పున మొత్తం 11.3 కోట్ల షేర్లను ఈ బైబ్యాక్ ఆఫర్‌లో భాగంగా భాగస్వాముల నుంచి ఇన్ఫోసిస్ తిరిగి కొనుగోలు చేయనుంది. దేశీయ స్టాక్ మార్కెట్‌లో శుక్రవారం ట్రేడింగ్ ముగిశాక ఇన్ఫోసిస్ షేర్ విలువ 923.10 రూపాయల వద్ద ఉంది. దీంతో ఈ బైబ్యాక్ ఆఫర్‌లో భాగస్వాములకు ఒక్కో షేర్‌పై 25 శాతం అదనంగా సొమ్ము రానుంది. ఈ మేరకు బాంబే స్టాక్ ఎక్స్‌చేంజ్‌కు సంస్థ తెలియజేసింది. ఈ ఏడాది ఏప్రిల్‌లో దేశీయ ఐటి రంగ దిగ్గజం టాటా కన్సల్టెన్సీ సర్వీసెస్ (టిసిఎస్) కూడా 16,000 కోట్ల రూపాయల షేర్ బైబ్యాక్ ఆఫర్‌ను ప్రకటించినది తెలిసిందే. ఇదిలావుంటే ఇన్ఫోసిస్‌పై నాలుగు అమెరికా లా సంస్థలు దర్యాప్తు చేస్తున్నాయి. ఫెడరల్ సెక్యూరిటీస్ చట్టాల నిబంధనలను సంస్థగానీ, దాని డైరెక్టర్లుగానీ ఉల్లంఘించారా? అన్నదానిపై ఇన్ఫోసిస్ భాగస్వాముల తరఫున ఈ దర్యాప్తు చేస్తున్నట్లు సదరు చట్ట సంస్థలు పేర్కొన్నాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.