బిజినెస్
45 రోజుల్లో నిర్మించాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 22: నల్లగొండ జిల్లాలో నిమ్మ, దొండ, బత్తాయిలకు ప్రత్యేక మార్కెట్‌లను ఏర్పాటు చేస్తున్నారు. అయతే వీటి నిర్మాణం 45 రోజుల్లో పూర్తి కావాలని తెలంగాణ రాష్ట్ర మార్కెటింగ్ శాఖ మంత్రి తన్నీరు హరీశ్‌రావు అధికారులను ఆదేశించారు. మార్కెట్ల నిర్మాణంపై మంగళవారం ఆ శాఖ అధికారులతో ఆయన సమీక్ష జరిపారు. 45 రోజుల్లో ఈ మార్కెట్ల నిర్మాణం పూర్తి కాకపోతే సంబంధిత అధికారులపై చర్యలు తీసుకోనున్నట్టు హెచ్చరించారు.
కోహెడ, పటాన్‌చెరులలో తలపెట్టిన మార్కెట్‌లను అత్యంత ఆధునికంగా జాతీయ స్థాయి ప్రమాణాలతో నిర్మించాలని మంత్రి స్పష్టం చేశారు. గడ్డి అన్నారం మార్కెట్‌లను కోహెడకు, మలక్‌పేట మార్కెట్‌ను పటాన్‌చెరుకు తరలించాలని ఇంతకుముందే నిర్ణయించారు. ఈ రెండు మార్కెట్ల నిర్మాణానికి సంబంధించినవారితో, బిల్డర్లు, బ్యాంకర్లు, ట్రేడర్లు, రైతులు అందరితోనూ విస్తృతంగా చర్చలు జరపాలని, ఆయా వర్గాలకు కావలసిన వసతులు కల్పించాలని సూచించారు. ఈ నిర్మాణాలపై సమగ్ర నివేదికను 15 రోజుల్లో సమర్పించాలని ఆదేశించారు. కాగా, ఈ-నామ్, కోల్డ్ స్టోరేజ్‌లు, ఖరీఫ్ దిగుబడుల సేకరణకు మార్కెటింగ్ శాఖ సిద్ధంగా ఉండాలని చెప్పారు.
ఖరీఫ్‌లో పత్తి దిగుబడి పెరిగే అవకాశం ఉందంటూ పత్తి సేకరణకు తీసుకోవలసిన చర్యలపై చర్చించారు. పత్తి కొనుగోలుకు సంబంధించి కేంద్రాల ఏర్పాటు, తదితర అవసరాల కోసం మార్కెటింగ్ యంత్రాంగం మొత్తం సిద్ధంగా ఉండాలన్నారు. రాష్ట్రంలోని 44 వ్యవసాయ మార్కెట్లలో ఈ-నామ్ కార్యకలాపాలు విజయవంతంగా జరుగుతున్నాయని, సాఫ్ట్‌వేర్ సమస్యలు తలెత్తినప్పుడు కేంద్ర ప్రభుత్వం దృష్టికి తీసుకువెళ్లాలని మంత్రి అధికారు లకు సూచించారు. నాబార్డు నిధులు సమీకరించి తొమ్మిది కోల్డ్ స్టోరేజీల నిర్మాణం త్వరితగతిన పూర్తి చేయాలని కూడా మంత్రి ఆదేశించారు.
నిబంధనలు సడలించాలి
వ్యవసాయ మార్కెట్లలో దడవాయిల లైసెన్స్ బదిలీలో ఉన్న నిబంధనలు సడలించాలని పౌర సరఫరాల శాఖ కార్పొరేషన్ చైర్మన్ పెద్ది సుదర్శన్‌రెడ్డి కోరారు. దడవాయిల సంఘం ప్రతినిధులు మంత్రిని కలిసి ఈ మేరకు వినతిపత్రం అందజేశారు. దీంతో పెండింగ్‌లో ఉన్న లైసెన్స్‌ల బదిలీ దరఖాస్తులను 15 రోజుల్లో పరిష్కరించాలని మంత్రి హరీశ్‌రావు ఆదేశించారు. మార్కెటింగ్ డైరెక్టర్ లక్ష్మీబాయి, జెడిలు లక్ష్మణుడు, పి రవికుమార్, డిప్యూటీ డైరెక్టర్ మల్లేశం, ఓఎస్‌డి జనార్దన్‌రావు తదితరులు సమావేశంలో పాల్గొన్నారు.
చిత్రం..హైదరాబాద్‌లో మంగళవారం ప్రత్యేక మార్కెట్ల నిర్మాణంపై జరిగిన సమీక్షలో మార్కెటింగ్ శాఖ అధికారులతో మాట్లాడుతున్న ఆ శాఖ మంత్రి తన్నీరు హరీశ్‌రావు
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.