బిజినెస్
ఆర్‌బీఐ నిర్ణయంతో మార్కెట్లు కుదేలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెంబర్ 6: ద్రవ్యోల్బణం పెరుగుతుందనే భయంతో రిజర్వ్ బ్యాంక్ (ఆరీబీఐ) కీలక వడ్డీ రేట్లను యథాతథంగా కొనసాగించాలని నిర్ణయించడం దేశీయ స్టాక్ మార్కెట్లపై ప్రతికూల ప్రభావం చూపింది. కీలక వడ్డీ రేట్లు మారకపోవచ్చనే సంకేతాలు వెలువడంతో మంగళవారం పడిపోయిన మార్కెట్ ప్రధాన సూచీలు, బుధవారం ఆర్‌బీఐ నిర్ణయం వెలువడటంతో వరుసగా రెండో రోజూ పతనమయ్యాయి. కీలక వడ్డీ రేట్లలో కోత పడుతుందనే ఆశలు వమ్ము కావడంతో ముఖ్యంగా బ్యాంకింగ్ షేర్లలో విక్రయాలు భారీగా జరిగాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ బుధవారం 205 పాయింట్లు పడిపోయి, 32,597.18 పాయింట్ల వద్ద ముగిసింది. 50 షేర్లతో కూడిన నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 74.15 పాయింట్లు తగ్గి 10,044.10 వద్ద స్థిరపడింది. 30 షేర్లతో కూడిన సెనె్సక్స్ 205.26 పాయింట్లు (0.63 శాతం) తగ్గి, 32,597.18 వద్ద ముగిసింది. ఆర్‌బీఐ తన ద్రవ్య విధాన నిర్ణయాన్ని ప్రకటించిన కొద్ది సేపటికే ఈ సూచీ 32,565.16 పాయింట్ల కనిష్ట స్థాయికి పడిపోయింది. నిఫ్టీ కూడా 10,033.35 పాయింట్ల కనిష్ట స్థాయిని తాకింది. అయితే ఈ రెండూ తరువాత కొంత పుంజుకున్నాయి. చివరకు నిఫ్టీ 74.15 పాయింట్లు (0.73 శాతం) తగ్గి 10,044.10 పాయింట్ల వద్ద ముగిసింది. అంతకు ముందు ఈ సూచీ ఇంట్రా-డేలో 10,104.20 పాయింట్లను తాకింది.
పడిపోయిన బ్యాంకింగ్ షేర్లు
ఆర్‌బీఐ ద్రవ్య విధాన నిర్ణయంతో ప్రభావితమయ్యే బ్యాంకింగ్, రియాల్టీ, ఆటో రంగాల షేర్లు బుధవారం ఎక్కువగా పడిపోయాయి. కొటక్ మహీంద్ర బ్యాంక్, యెస్ బ్యాంక్, స్టేట్ బ్యాంక్ ఆఫ్ ఇండియా, ఫెడరల్ బ్యాంక్, పంజాబ్ నేషనల్ బ్యాంక్, బ్యాంక్ ఆఫ్ బరోడా షేర్ల ధరలు పతనమయ్యాయి. బీఎస్‌ఈ బ్యాంక్ సూచీ 1.23 పాయింట్లు తగ్గి, 28,110.49 పాయింట్ల వద్ద ముగిసింది. రియాల్టీ రంగంలో గోద్రెజ్ ప్రాపర్టీస్, ప్రెస్టీజ్ ఎస్టేట్స్, ఒబెరాయి రియాల్టీ కంపెనీల షేర్లు పడిపోయాయి. బీఎస్‌ఈ రియాల్టీ సూచీ 0.63 శాతం పడిపోయి, 32,597.18 పాయింట్ల వద్ద ముగిసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.