బిజినెస్
మార్కెట్లకు కొనుగోళ్ల దన్ను
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెంబర్ 11: ప్రపంచ మార్కెట్లలో నెలకొన్న సానుకూల ధోరణితో సోమవారం దేశీయ స్టాక్ మార్కెట్లకు కొనుగోళ్ల మద్దతు లభించింది. మదుపరులు కొనుగోళ్లకు పూనుకోవడం వల్ల మార్కెట్ల ప్రధాన సూచీలు రెండూ కూడా పైకి ఎగబాకాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 205 పాయింట్లు పుంజుకొని 33,456 పాయింట్ల వద్ద ముగియగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 10,300 స్థాయికి పైన స్థిరపడింది. గుజరాత్ అసెంబ్లీ ఎన్నికల ఫలితాలు బీజేపీకి అనుకూలంగా వస్తాయన్న ఆశావాదంతో ఉన్న మదుపరులు సోమవారం కొనుగోళ్లకు పూనుకున్నారు. దీంతో వరుసగా మూడో రోజు స్టాక్ మార్కెట్ ప్రధాన సూచీలు పైకి ఎగబాకాయి. సెనె్సక్స్ సోమవారం 33,317.72 పాయింట్ల పటిష్ఠ స్థాయి వద్ద ప్రారంభమయి, ఇంట్రా-డేలో 33,535.97 పాయింట్ల గరిష్ఠ స్థాయిని తాకింది. అయితే అక్కడి నుంచి అది పైకి వెళ్లలేకపోయింది. చివరకు 205.49 పాయింట్ల (0.62 శాతం) లాభంతో 33,455.79 పాయింట్ల వద్ద ముగిసింది. నవంబర్ 29న 33,602.76 పాయింట్ల వద్ద ముగిసిన సెనె్సక్స్‌కు ఆ తరువాత సోమవారం ముగిసిన స్థాయియే గరిష్ఠం. ఈ సూచీ క్రితం రెండు సెషన్లలో కలిపి 653.12 పాయింట్లు పెరిగింది.
50 షేర్లతో కూడిన నిఫ్టీ కూడా సోమవారం 56.60 పాయింట్ల (0.55 శాతం) లాభంతో 10,322.25 పాయింట్ల వద్ద ముగిసింది. అంతకు ముందు ఈ సూచీ 10,329.20- 10,282.05 పాయింట్ల మధ్య కదలాడింది.
రూపాయి బలపడటం కూడా సోమవారం స్టాక్ మార్కెట్‌లో సూచీలు పుంజుకోవడానికి దోహదపడింది. ఉద్యోగాలకు సంబంధించిన గణాంకాలతో అమెరికా స్టాక్ మార్కెట్లు పుంజుకోవడం కూడా దేశీయ స్టాక్ మార్కెట్లకు ఊతమిచ్చింది. ముఖ్యంగా ఫార్మా, ఇన్ఫర్మేషన్ టెక్నాలజీ (ఐటీ) షేర్ల ధరలు పెరగడానికి దోహదపడిందని నిపుణులు పేర్కొన్నారు.
సోమవారం సెనె్సక్స్ ప్యాక్‌లోని కంపెనీలలో ఎంఅండ్‌ఎం కంపెనీ షేర్ ధర అత్యధికంగా 2.16 శాతం పెరిగింది. 2.15 శాతం పెరుగుదలతో లుపిన్ రెండో స్థానాన్ని ఆక్రమించింది. మారుతి సుజుకి షేర్ ధర ఇంట్రా-డేలో జీవితకాల గరిష్ఠ స్థాయికి ఎగబాకినప్పటికీ, చివరకు 1.11 శాతం పెరుగుదలతో స్థిరపడింది. సోమవారం షేర్ల ధరలు పెరిగిన కంపెనీలలో హెచ్‌డీఎఫ్‌సీ, విప్రో, కోల్ ఇండియా, ఎస్‌బీఐ, ఐటీసీ, భారతి ఎయిర్‌టెల్, సన్ ఫార్మా, డాక్టర్ రెడ్డీస్ ఉన్నాయి. రంగాల వారీగా చూస్తే, ఐటీ సూచీ ఒక శాతం పెరిగింది. టెక్నాలజీ, ఆరోగ్య సంరక్షణ, ఆటో రంగాల కంపెనీల షేర్లకు కూడా మదుపరుల నుంచి మంచి ఆదరణ లభించింది. మిడ్, స్మాల్ క్యాప్ సూచీలు 0.36 శాతం వరకు పుంజుకున్నాయి. యునిటెక్ కంపెనీ బోర్డులో పది మందిని నామినేట్ చేసే అధికారాన్ని ఎన్‌సీఎల్‌టీ.. ప్రభుత్వానికి అప్పగించడంతో ఆ కంపెనీ షేర్ ధర 10.56 శాతం పెరిగింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.