బిజినెస్
ఎన్‌డీటీవీకి రూ. పది లక్షల జరిమానా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: సుమారు రూ. 450 కోట్ల ఆదాయపు పన్ను డిమాండ్‌కు సంబంధించిన వివరాలను వెల్లడించడంలో ఆలస్యం చేసినందుకు మీడియా సంస్థ ఎన్‌డీటీవీపై క్యాపిటల్ మార్కెట్ నియంత్రణ సంస్థ సెబీ రూ. పది లక్షల జరిమానా విధించింది.
అలాగే, ఎన్‌డీటీవీ డైరెక్టర్లు ప్రణయ్ రాయ్, రాధికా రాయ్ సహా నలుగురు వ్యక్తులపై రూ. మూడు లక్షల చొప్పున జరిమానా విధించింది. ఎన్‌డీటీవీ సంస్థ ఉన్నత స్థాయి ఎగ్జిక్యూటివ్ ఒకరు నాలుగేళ్ల క్రితం విక్రయించిన షేర్ల వివరాలను సకాలంలో వెల్లడించకపోవడాన్ని సెబీ తప్పుబట్టింది. సెబీ అభియోగాలను ఎన్‌డీటీవీ సవాలు చేయడం, వివిధ దర్యాప్తు సంస్థలు దీనిపై దర్యాప్తు జరపడం వంటివి చోటు చేసుకున్నాయి. ఈ నేపథ్యంలో సెబీ ఈ నెల 16న జారీ చేసిన ఆదేశాలలో ఎన్‌డీటీవీపై జరిమానా విధించింది. ఎన్‌డీటీవీ గ్రూపు అప్పటి సీఈఓ విక్రమాదిత్య చంద్ర, కాంప్లియెన్స్ అధికారి అనూప్ సింగ్ జునేజాలకు కూడా రూ. మూడు లక్షల చొప్పున సెబీ జరిమానా విధించింది. ఎన్‌డీటీవీ అప్పటి ఎగ్జిక్యూటివ్ వైస్ చైర్మన్ కేవీఎల్ నారాయణ్ రావుకు కూడా నోటీసులు పంపించినట్టు సెబీ వెల్లడించింది.
అయితే, నిరుడు చివరలో ఆయన చనిపోవడం వల్ల ఆయనకు వ్యతిరేకంగా విచారణ ప్రక్రియను నిలిపివేసినట్టు వివరించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.