బిజినెస్
సింగరేణి సీపీఆర్‌వోకు పీఆర్ మేనేజర్ అవార్డు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 20: సింగరేణి కాలరీస్ సంస్థ జనరల్ మేనేజర్, ముఖ్య ప్రజా సంబంధాల అధికారి జనగామ నాగయ్య ప్రతిష్టాకరమైన డాక్టర్ సివి నరసింహారెడ్డి పీఆర్ మేనేజర్ అవార్డుకు ఎంపికయ్యారు. పబ్లిక్ రిలేషన్స్ సొసైటీ ఆఫ్ ఇండి యా హైదరాబాద్ చాప్టర్ వారి ఆధ్వర్యంలో ప్రతి ఏటా నిర్వహించే ఈ పోటీల్లో 2018 సంవత్సరానికి ఆయన ఎంపికయ్యారు. ఈ నెల 21వ తేదీన జరిగే కార్యక్రమంలో ఈ అవార్డును జనగామ నాగయ్యకు ప్రదానం చేస్తారు. ఈ అవార్డుకు ఎంపికైన జనగామ నాగయ్య ఎఎంఐఇ మైనింగ్, ఎంఏ పబ్లిక్ అడ్మినిస్ట్రేషన్, ఎంబిఏ హెచ్‌ఆర్ ఉత్తీర్ణులయ్యారు. సింగరేణి సంస్థలో 1980లో మైనింగ్ ఇంజనీర్‌గా చేరిన నాగయ్య వివిధ ఏరియాల్లో, వివిధ హోదాల్లో పనిచేస్తూ తన కృషి, ప్రతిభతో అంచలంచెలుగా పదోన్నతులతో 2010లో జనరల్ మేనేజర్ స్థాయికి ఎదిగారు. 2016 నుంచి హైదరాబాద్‌లో సింగరేణి సంస్థలో జిఎం కో ఆర్డినేషన్‌గా, సిపిఆర్‌వోగా పనిచేస్తున్నారు. ఈ సంస్థ లో ప్రజా సంబంధ విభాగాలను పటిష్టం చేశారు. కార్మికులకు ఉపయోగపడే సమాచారాన్ని సరళమైన భాషలో తెలియచేస్తూ మంచి పేరు తెచ్చుకున్నారు.
చిత్రం..అవార్డుకు ఎంపికైన సింగరేణి ముఖ్య ప్రజాసంబంధాల అధికారి జనగామ నాగయ్య
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.