బిజినెస్
రెండోరోజూ నష్టాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూన్ 19: దేశీయ స్టాక్ మార్కెట్లు వరుసగా రెండో రోజు మంగళవారం నష్టపోయాయి. అమెరికా, చైనాల మధ్య వాణిజ్య వివాదం మళ్లీ రగుల్కోవడంతో ప్రపంచ వ్యాప్తంగా స్టాక్ మార్కెట్లు బలహీనపడ్డాయి. అదే దారిలో దేశీయ స్టాక్ మార్కెట్ కీలక సూచీలు పడిపోయాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ మంగళవారం 262 పాయింట్లు పడిపోయి రెండు వారాల గరిష్ట స్థాయి అయిన 35,286.74 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 89 పాయింట్లు దిగజారి 10,710.45 పాయింట్ల వద్ద స్థిరపడింది. చైనా సరుకుల దిగుమతులపై అదనపు సుంకాలను విధిస్తామని అమెరికా అధ్యక్షుడు డొనాల్డ్ ట్రంప్ హెచ్చరించడం, దీంతో ప్రతి చర్యకు దిగుతామని చైనా ప్రకటించిన తరువాత ప్రపంచంలోని ఈ రెండు అతి పెద్ద ఆర్థిక వ్యవస్థల మధ్య పూర్తి స్థాయిలో వాణిజ్య యుద్ధం సంభవిస్తుందేమోననే భయాందోళనలు అలుముకొని ఆసియా స్టాక్ మార్కెట్లు అకస్మాత్తుగా పడిపోయాయి. విదేశీ ఫండ్‌లు నిరంతరాయంగా అమ్మకాలు జరపడం, రూపాయి బలహీనపడటం కూడా దేశీయ స్టాక్ మార్కెట్లు నష్టపోవడానికి కారణమయ్యాయి. సెనె్సక్స్ మంగళవారం ఉదయం సానుకూలంగానే మొదలయినప్పటికీ, కొంత సేపటికే అమ్మకాల ఒత్తిడిలోకి వెళ్లిపోయింది. చివరకు క్రితం ముగింపుతో పోలిస్తే 261.52 పాయింట్ల (0.74 శాతం) దిగువన 35,286.74 పాయింట్ల వద్ద ముగిసింది. జూన్ ఆరోతేదీ తరువాత ఈ సూచీ ఇంత దిగువ స్థాయిలో ముగియడం ఇదే మొదటిసారి. జూన్ 6న ఈ సూచీ 35,178.88 పాయింట్ల వద్ద ముగిసింది. నిఫ్టీ మంగళవారం క్రితం ముగింపుతో పోలిస్తే 89.40 పాయింట్ల (0.83 శాతం) దిగువన 10,710.45 పాయింట్ల వద్ద స్థిరపడింది. ఇదిలా ఉండగా, ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) సోమవారం నికరంగా రూ. 754.43 కోట్ల విలువ గల షేర్లను విక్రయించగా, దేశీయ సంస్థాగత మదుపరులు (డీఐఐలు) రూ. 824.10 కోట్ల విలువయిన షేర్లను కొనుగోలు చేశారు.సెనె్సక్స్ ప్యాక్‌లోని వేదాంత మంగళవారం అత్యధికంగా 3.55 శాతం లాభపడింది. అదాని పోర్ట్స్ రెండు శాతం నష్టంతో తరువాత స్థానంలో నిలిచింది. నష్టపోయిన ఇతర సంస్థలలో ఎంఅండ్‌ఎం, రిల్, ఇండస్‌ఇండ్ బ్యాంక్, సన్ ఫార్మా, బజాజ్ ఆటో, ఇన్ఫోసిస్, ఎస్‌బీఐ, మారుతి సుజుకి, టాటా మోటార్స్, విప్రో, యాక్సిస్ బ్యాంక్, టాటా స్టీల్, ఎల్‌అండ్‌టీ, ఆసియన్ పెయింట్స్, కోల్ ఇండియా, కోటక్ బ్యాంక్, హీరో మోటాకార్ప్ ఉన్నాయి. వీటి షేర్ల విలువ 1.94 శాతం వరకు పడిపోయింది. అయితే, ఐటీసీ, హెచ్‌డీఎఫ్‌సీ బ్యాంక్, హెచ్‌డీఎఫ్‌సీ లిమిటెడ్, ఓఎన్‌జీసీ మాత్రమే నష్టాల నుంచి తప్పించుకోగలిగాయి. అన్ని రంగాల సూచీలు పడిపోయాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.