బిజినెస్
పుంజుకున్న మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూన్ 20: వరుసగా రెండు రోజుల పాటు నష్టపోయిన దేశీయ స్టాక్ మార్కెట్లు బుధవారం మంచి లాభాలను ఆర్జించాయి. ఒకవైపు ప్రపంచ మార్కెట్లలో నెలకొన్న సానుకూల ప్రభావంతో పాటు ఇటీవల ధరలు పడిపోయిన లోహ, బ్యాంకింగ్ రంగాల షేర్లను దక్కించుకోవడానికి మదుపరులు ఉత్సాహం చూపడం వల్ల దేశీయ మార్కెట్ కీలక సూచీలు బాగా పుంజుకున్నాయి. బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ 261 పాయింట్లు పుంజుకొని 35,547.33 పాయింట్ల వద్ద ముగియగా, నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 61.60 పాయింట్లు పెరిగి 10,772.05 పాయింట్ల వద్ద స్థిరపడింది. సెనె్సక్స్ ప్యాక్‌లోని దిగ్గజ కంపెనీ రిలయన్స్ ఇండస్ట్రీస్ షేర్ విలువ బుధవారం అత్యధికంగా 2.44 శాతం పుంజుకొని, గరిష్ఠ స్థాయిలో రూ. 1,019.95 వద్ద ముగిసింది. అమెరికా, చైనాల మధ్య తాజా వాణిజ్య వివాదాల ఉద్రిక్తతలతో నష్టపోయిన ఆసియా, ఐరోపా స్టాక్ మార్కెట్లు బుధవారం తిరిగి బలపడ్డాయి. సెనె్సక్స్ బుధవారం సెషన్ అంతా సానుకూల జోన్‌లో సాగింది. మదుపరుల నుంచి లభించిన కొనుగోళ్ల మద్దతుతో ఒక దశలో ఇంట్రా-డేలో 35,571.37 పాయింట్ల గరిష్ఠ స్థాయిని తాకింది. చివరకు క్రితం ముగింపుతో పోలిస్తే 260.59 పాయింట్ల (0.74 శాతం) పైన 35,547.33 పాయింట్ల వద్ద ముగిసింది. ఈ సూచీ క్రితం రెండు సెషన్లలో కలిసి 335.40 పాయింట్లు పడిపోయింది. నిఫ్టీ బుధవారం 61.60 పాయింట్లు (0.58 శాతం) పుంజుకొని 10,772.05 పాయింట్ల వద్ద స్థిరపడింది. అంతకు ముందు ఈ సూచీ 10,781.80, 10,724.05 పాయింట్ల మధ్య కదలాడింది. ఇదిలా ఉండగా దేశీయ సంస్థాగత మదుపరులు (డీఐఐలు) మంగళవారం నికరంగా రూ. 653.68 కోట్ల విలువయిన షేర్లను కొనుగోలు చేయగా, ఫారిన్ పోర్ట్ఫోలియో ఇనె్వస్టర్లు (ఎఫ్‌పీఐలు) రూ. 1,324.92 కోట్ల విలువయిన షేర్లను విక్రయించారు.
సెనె్సక్స్ ప్యాక్‌లోని లాభపడిన ఇతర సంస్థలలో ఇండస్‌ఇండ్ బ్యాంక్, వేదాంత, యెస్ బ్యాంక్, కోటక్ బ్యాంక్, టాటా స్టీల్, హెచ్‌డీఎఫ్‌సీ బ్యాంక్, హెచ్‌డీఎఫ్‌సీ లిమిటెడ్ ఉన్నాయి. అయితే ఓఎన్‌జీసీ, కోల్ ఇండియా, ఐటీసీ లిమిటెడ్, విప్రో, ఎల్‌అండ్‌టీ, ఇన్ఫోసిస్ షేర్ల ధరలు పడిపోయాయి. రంగాల వారీ సూచీలలో బీఎస్‌ఈ మెటల్ ఇండెక్స్ అత్యధికంగా 1.09 శాతం పుంజుకుంది. బ్యాంకెక్స్ 1.04 శాతం, రియల్టీ 0.83 శాతం లాభంతో తరువాత స్థానాల్లో నిలిచాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.