బిజినెస్
మొబైల్ యాప్‌తో సాధారణ రైలు టిక్కెట్ల బుకింగ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఇప్పటి వరకు మొబైల్ యాప్‌తో రైలు రిజర్వేషన్ టిక్కెట్లు పొందేందుకు ఉన్న సౌకర్యం ఇక మీదట సాధారణ టిక్కెట్లను పొందేందుకు వీలుగా అన్‌రిజర్వుడు టికెటింగ్ సిస్టమ్ (యూటిఎస్) మొబైల్ యాప్‌ను దక్షిణ మధ్య రైల్వే అందుబాటులోకి తెచ్చింది. గురువారం నాడిక్కడ రైల్ నిలయంలో ద.మ.రై జనరల్ మేనేజర్ వినోద్‌కుమార్ యాదవ్ ఈ యాప్‌ను లాంఛనంగా ఆవిష్కరించారు. తద్వారా ఇక మీదట రైలు ప్రయాణికులు తమ సాధారణ టిక్కెట్లను మొబైల్ యాప్ ద్వారా బుక్ చేసుకునే సౌకర్యం ఈ నెల 15వ తేదీ అర్ధరాత్రి నుంచి అమల్లోకి వస్తుంది. యూటీఎస్ యాప్‌ను ఆవిష్కరించిన అనంతరం యాప్ పని చేసే విధానం, ప్రయోజనాలను జిఎం విలేఖరులకు వివరించారు. దక్షిణ మధ్య రైల్వే పరిధి మొత్తంలో ఉన్న రైల్వే స్టేషన్లకు సంబంధించి తమ గమ్య స్ధానాలకు వెళ్లే సాధారణ ప్రయాణికులు యాప్ ద్వారా టిక్కెట్లు పొందవచ్చు. ఫ్లాట్‌ఫాం, సీజనల్ టిక్కెట్లను సైతం ఈ యాప్ ద్వారా పొందే సౌకర్యం కూడా ఉంది. ప్రస్తుతం జనరల్ టిక్కెట్ల కోసం భారీ క్యూ లైన్లలో ప్రయాణికులు నిలిచి ఉండే ఇబ్బంది ఈ యాప్ ద్వారా తొలగిపోతుంది. నగదు రహిత విధానంలో టిక్కెట్లు కొనుగోలు, సీజనల్ టిక్కెట్ల రెన్యువల్ పది రోజుల ముందే చేసుకునే అవకాశం ఉంటుంది. యాప్ ద్వారా తీసుకున్న టిక్కెట్ మెసేజ్‌ను తనిఖీ సమయంలో టీటీఈ, లేదా టీటీఐలకు చూపించాల్సి ఉంటుంది. యాండ్రాయిడ్ మొబైల్ ఫోన్లు ఉన్న ప్రతి ఒక్కరూ గూగుల్ ప్లే స్టోర్ నుంచి యూటిఎస్ యాప్‌ను డౌన్‌లోడ్ చేసుకోవచ్చును. దక్షిణ మధ్య రైల్వే పరిధిలోని 554 రైల్వే స్టేషన్ల నుంచి సాధారణ టిక్కెట్లు పొందేందుకు వీలుగా యాప్‌ను తయారు చేశారు. త్వరలోనే రైల్వే మొత్తం ఈ యాప్ ఆధారిత సాధారణ రైలు టిక్కెట్ల జారీ ప్రక్రియ అమల్లోకి వస్తుంది. రైల్వే యూజర్లు రైల్వే వ్యాలెట్ (ఆర్-వ్యాలెట్)ను ఏర్పాటు చేసుకుని తద్వారా టిక్కెట్లు బుక్ చేసుకుంటే చార్జీలో 5 శాతం రాయితీ కూడా వర్తిస్తుంది. ఒక వేళ యాప్ ద్వారా టిక్కెట్ బుక్ చేసుకుని ఆ టిక్కెట్ ప్రింట్ కావాలనుకునే వారు స్టేషన్ ఆవరణలో ఏర్పాటు చేసిన ఎటివిఎంలు, కో-టీవీఎంల ద్వారా బుకింగ్ కోడ్, మొబైల్ నెంబర్ సమర్పించి ప్రింట్ పొందే వీలు కూడా కల్పించబడింది. టిక్కెట్లను బుక్ చేసుకున్న వారు ఇతర మొబైల్ యూజర్లకు ఆ టిక్కెట్ బదిలీ చేసుకునే అవకాశం ఉండదు. విలేకరుల సమావేశంలో ద.మ. రైల్వే ప్రిన్సిపల్ చీఫ్ కమ్మర్షియల్ మేనేజర్ ఎం.జి.శేఖరం ఈ మొబైల్ యాప్ గురించి సమగ్ర పవర్ పాయింట్ ప్రజంటేషన్ చేశారు.
చిత్రం..యూటీఎస్ మొబైల్ యాప్‌ను ఆవిష్కరిస్తున్న ద.మ.రై జీఎం వినోద్‌కుమార్ యాదవ్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.