బిజినెస్
జీఎస్‌టీ గరిష్ట శ్లాబ్ నుంచి 191 వస్తువులకు మినహాయింపు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 22: వస్తు సేవా పన్ను అమలుకు శ్రీకారం చుట్టి ఏడాది పూర్తయింది. ఈ ఏడాదిలో 191 వస్తువులను గరిష్ట శ్లాబ్ నుంచి తక్కువ శ్లాబ్ పరిధిలోకి తెచ్చారు. మరో 35 వస్తువులు మాత్రమే గరిష్ట శ్లాబ్‌లో ఉన్నాయి. వీటిల్లో ఏసీలు, డిజిటల్ కెమెరాలు, వీడియో రికార్డర్లు, వంటపాత్రలు కడిగే మెషీన్లు, ఆటోమొబైల్స్ ఉన్నాయి. 2017 జూలై 1వ తేదీన వస్తు సేవా పన్ను అమలు రోజు 28 శాతం శ్లాబ్ పరిధిలో 226 వస్తువులు ఉండేవి. రాష్ట్రప్రభుత్వా వత్తిడి మేరకు, ప్రజల నుంచి ఎదురవుతున్న నిరసనల మధ్య జీఎస్‌టీ మండలి అనేక సార్లు సమావేశమై గరిష్ట శ్లాబ్ పరిధి నుంచి 191 వస్తువులను దిగువ శ్లాబ్‌కు తెచ్చింది. కాగా గరిష్ట శ్లాబ్‌లో సిమెంట్, మోటారు వాహనాలు, ఎయిర్ క్రాఫ్ట్‌లు, పొగాకు, సిగరెట్లు, పాన్ మసాలాలు, ఉన్నాయి. జీఎస్‌టీ ఆదాయం పెరిగే కొద్దీ, పరోక్ష పన్నుల విధానాన్ని మరింత హేతుబద్ధీకరణ చేసే అవకాశం ఉందని నిపుణులంటున్నారు. 28 శాతం శ్లాబ్ పరిధి నుంచి మరిన్ని వస్తువులను దిగువ శ్లాబ్‌కు రానున్నరోజుల్లో తెచ్చే అవకాశం ఉంది. కేవలం సూపర్ లగ్జరీ, పొగాకు, సిగరెట్లను మాత్రమే పెద్ద శ్లాబ్ పరిధిలోకొనసాగిస్తారన్నారు.
డెలాయిట్ ఇండియా భాగస్వామి ఎంఎస్ మణి మాట్లాడుతూ రానున్న రోజుల్లో ఏసీలు, డిజిటల్ కెమెరాలను కూడా 18 శాతం శ్లాబ్ పరిధిలోకి తెస్తారన్నారు. ప్రస్తుతం 28 శాతం జీఎస్‌టీ పరిధిలో కేవలం 35 వస్తువులు మాత్రమే ఉన్నాయి. 28 నుంచి 18 శాతానికి పన్ను తగ్గించిన వస్తువుల జాబితా 15 వరకు ఉంటుందన్నారు. శ్లాబ్ మార్చడం వల్ల ఆరువేల కోట్ల రూపాయల రెవెన్యూ తగ్గుతుందన్నారు. ఇది కేవలం అంచనా మాత్రమేనని, వినిమయ వస్తువుల అమ్మకం పెరిగే కొద్దీ రెవెన్యూ పెరుగుతుందన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.