బిజినెస్
జన్‌ధన్ ఖాతాల లెక్క తేల్చండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 12: డిమోనిటైజేషన్ సమయంలో దేశ వ్యాప్తంగా జన్‌ధన్ ఖాతాల్లో జమ అయిన డిపాజిట్ల వివరాలు వెల్లడించాలని రిజర్వ్‌బ్యాంక్ ఆఫ్ ఇండియా(ఆర్‌బీఐ)ను కేంద్ర సమాచార కమిషన్ ఆదేశించింది. 2014 ఆగస్టులో ప్రధాన్ మంత్రి జన్‌ధన్ యోజన కింద కొత్త ఖాతాలకు శ్రీకారం చుట్టారు. దేశంలో అందరికీ బ్యాంకు ఖాతాలు ఉండాలన్న ఉద్దేశంతో ఈ పథకాన్ని తీసుకొచ్చారు. సేవింగ్స్, డిపాజిట్ అకౌంట్లు, చెల్లింపులు, క్రెడిట్, బీమా, పెన్షన్ సదుపాయలు ఖాతాదారులకు అందుబాటులోకి తీసుకొచ్చారు. అయితే 2016 సెప్టెంబర్ 8 తరువాత జన్‌ధన్ ఖాతాల్లో డిపాజిట్లు అమాంతంగా పెరిగిపోయాయి. ఎంత వరకూ ఎగబాకయంటే ఈ ఏడాది ఏప్రిల్ నాటికి 80,000 కోట్ల రూపాయలు జన్‌ధన్ ఖాతాల్లోకి చేరాయి. ఈ ఖాతాల్లో ఎంత మొత్తం ఉంది, ఎక్కడి నుంచి జమ అయ్యాయన్న సమాచారం కావాలని ఆర్‌టీఐ కార్యకర్త సుభాష్ అగర్వాల్ కోరారు. దీనికి ఆర్‌బీఐ నుంచి స్పష్టమైన సమాధానం రాకపోవడంతో సీఐసీని ఆశ్రయించారు. డిమోనిటైజేషన్ తరువాత జన్‌ధన్ ఖాతాల్లో ఎంత మొత్తం జమ అయిందీ వివరాలు వెల్లడించాలని సీఐసీ కమిషనర్ సుధీర్ భార్గవ ఆర్‌బీఐని ఆదేశించారు. 500, 1000 రూపాయల నోట్లను ప్రభుత్వం రద్దుచేయడాన్ని ఆసరా చేసుకుని పలువురు బ్యాంక్ అధికారులు అవకతవకలకు పాల్పడినట్టు ఆరోపణలు వచ్చాయి.
వచ్చే ఏడాది జాక్ రిటైర్‌మెంట్!
* ‘ఆలీబాబా’లో కలకలం * కొత్త బాస్ డానియెల్?
బీజింగ్, సెప్టెంబర్ 12: చైనా ఈ-కామర్స్ దిగ్గజం ఆలీబాబా గ్రూప్ వ్యవస్థాపకుడు జాక్ మాస్ రిటైర్‌మెంట్ నిర్ణయం తీవ్ర కలకలం రేపింది. జాక్ నిష్క్రమణ ఎక్కడికి దారితీస్తుందోన్న ఆందోళన వ్యాపార, వాణిజ్య వర్గాల్లో కనిపించింది. ఆలీబాబా గ్రూపు ఈ-కామర్స్ రంగంలో పెనుమార్పులు తీసుకొచ్చిందని చైనా ఆర్థిక నిపుణలు, ప్రభుత్వ మీడియా పేర్కొంది. ఆలీబాబా గ్రూప్ సీఈఓ డానియెల్ జంగ్ కంపెనీ కాబోయే బాస్ అంటూ సోమవారం వార్తా కథనాలు వెలువడ్డాయి.
జాక్ మాస్ బాధ్యతలు డానియల్ చేపడతారని, వచ్చే ఏడాది సెప్టెంబర్‌లో ఈ మార్పులుంటాయని పేర్కొన్నారు. జాక్ పదవీ విరమణ చేసినా గ్రూప్ డైరెక్టర్‌గా కొనసాగుతారని ఆ వర్గాలు వెల్లడించాయి. ఏది ఏమైనా జాక్ మాస్ రిటైర్‌మెంట్ వార్త చైనా వాణిజ్య వర్గాల్లో హాట్‌టాపిక్ అయింది. సీనావెబో సైట్ అంతటా జాక్ రిటైర్‌మెంట్ వార్తే హల్‌చల్ చేసింది. అనేక మంది ప్రముఖలు 54ఏళ్ల జాక్‌మాస్‌పై ప్రశంసలు కురిపించారు. ఆయన మార్గదర్శకంలో గ్రూపుఅంతర్జాతీయ ఖ్యాతిని పొందడంతో పాటు ఈ- కామర్స్‌లోనే రారాజుగా వెలుగొందిందని ప్రభుత్వ మీడియా సంస్థ గ్లోబల్ టైమ్స్ స్పష్టం చేసింది. అయితే కంపెనీ స్టాక్ మార్కెట్‌పై జాక్ ప్రభావం కచ్చితంగా ఉంటుందని, ఒక విధంగా ఇది దుర్వార్తేనని కామర్స్ నిపుణుడు లీ ఛెంగ్‌డాంగ్ వ్యాఖ్యానించారు. కంపెనీ ఖండాంతరాలకు విస్తరించడం వెనక ఆయన పాత్ర ఎంతో ఉందని, ఫైనాన్స్, లాజిస్టిక్, క్లౌడ్ సర్వీసులో ఆలీబాబా విశ్వవాప్తమైందని మరో ఇండీపెండెంట్ ఐటీ నిపుణుడు ఛెంగ్ ఛున్‌హూ అన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.