బిజినెస్
హెచ్‌డీఎఫ్‌సీలో ఎన్‌ఐఐఎఫ్ పెట్టుబడి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: హెచ్‌డీఎఫ్‌సీలో పెట్టుబడి పెట్టనున్నట్టు నేషనల్ ఇనె్వస్ట్‌మెంట్ అండ్ ఇన్‌ఫ్రాస్ట్రక్చర్ ఫండ్ (ఎన్‌ఐఐఎఫ్) ప్రకటించింది. మధ్య తరగతి ప్రజల సొంతింటి కలలు నెరవేర్చడానికి హెచ్‌డీఎఫ్‌సీ రియల్ ఎస్టేట్ క్యాపిటల్ విభాగంలో 660 కోట్ల రూపాయలను పెట్టుబడిగా ఉంచుతామని పేర్కొంది. హెచ్‌డీఎఫ్‌సీ అనుబంధ విభాగంగా పని చేస్తున్న క్యాపిటల్ ఎఫొర్డబుల్ రియల్ ఎస్టేట్-2 (హెచ్-కేర్ 2)లో అబూదబీ ఇనె్వస్ట్‌మెంట్ అథారిటీ (ఏడీఐఏ) భారీగా పెట్టుబడులు పెట్టింది. కేటగిరి 2లో ప్రత్యామ్నాయ పెట్టుబడిగా 4,290 కోట్ల రూపాయల కార్పస్ ఫండ్‌ను ఏర్పాటు చేసింది. మధ్య, దిగువ స్థాయిల్లో ఉన్న ప్రజలు ఇళ్లు కొనుక్కోవడానికి వీలుగా కొత్త పథకాన్ని ప్రవేశపెట్టింది. దేశంలో పేదరికం తగ్గుతూ, మధ్య తరగతి ప్రజల సంఖ్య గణనీయంగా పెరగడంతో, ఆ దిశగా ఎన్‌ఐఐఎఫ్ దృష్టి సారించింది. హెచ్‌డీఎఫ్‌సీ ఇప్పటికే అమలు చేస్తున్న పథకాలకు మరింత ఊతమిచ్చేందుకు పెట్టుబడులు పెట్టాలని నిర్ణయించింది. ‘2022 సంవత్సరానికి అందరికీ ఇళ్లు’ అనే ప్రభుత్వ నినాదాన్ని సాకారం చేసేందుకు ప్రయత్నిస్తున్నట్టు హెచ్‌డీఎఫ్‌సీ లిమిటెడ్ చైర్మన్ దీపక్ పరేఖ్ తెలిపారు. ఈ లక్ష్య సాధనలో తమ ప్రయాణానికి సానుకూల ధోరణి కనిపిస్తున్నదని చెప్పారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.