బిజినెస్
ఈ ఏడాది చిన్న, మధ్యతరహా పరిశ్రమల సేకరణ లక్ష్యం రూ.1281కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 28: వర్తమాన ఆర్థిక సంవత్సరంలో చిన్న, మధ్య తరహా పరిశ్రమలు మార్కెట్ ద్వారా రూ.1,281 కోట్ల నిధులను ప్రాథమిక వాటాల విక్రయం ద్వారా సేకరించాయి. గత ఏడాదితో పోల్చితే, ఈ ఏడాది ఏప్రిల్ సెప్టెంబర్ నెలల్లో ఈ కేటగిరీలో వాటాల విక్రయాల వల్ల వచ్చిన నిధులు రెండు రెట్లు పెరిగాయి. ఐపీవోల ద్వారా వచ్చిన నిధుల ద్వారా వాణిజ్య విస్తరణ చేయాలని కంపెనీలు నిర్ణయించాయి. వర్కింగ్ క్యాపిటల్, ఇతర అవసరాల నిమిత్తం ఈ నిధులను వెచ్చించనున్నాయి. ఐపీవోల కేటగిరీలో దాదాపు 74 కంపెనీలు లిస్టయ్యాయి. ఈ సంస్థలు ఆరు నెలల్లో రూ. 1281 కోట్లను సేకరించాయి. గత ఏడాది ఇదే రోజుల్లో 58 సంస్థలు ఐపీవో ద్వారా రూ.656 కోట్లను సేకరించాయి. ఈ కంపెనీలు బీఎస్‌ఈ, ఎన్‌ఎస్‌ఈ ద్వారా లిస్టయ్యాయి. మ్యానుఫ్యాక్చరింగ్, జౌళి, ఇంజనీరింగ్, వ్యవసాయం, కెమికల్స్, ఫుడ్ ప్రోసెసింగ్, మీడియా, ఎంటర్‌టైన్‌మెంట్, కన్‌స్ట్రక్షన్, ఫైనాన్స్, ఇనె్వస్ట్‌మెంట్స్ రంగాలకు చెందిన కంపెనీలు ఈ పెట్టుబడలను మదుపు చేశాయి. ఆరేళ్ల క్రితం చిన్న, మధ్య తరహా పరిశ్రమలు మార్కెట్‌లోకి వచ్చాయి. 2012లో బీఎస్‌ఈ, ఎన్‌ఎస్‌ఈలు ఈ తరహా సంస్థలకు ప్లాట్‌ఫారంలను ప్రారంభించాయి. గత ఆరేళ్లలో 450 కంపెనీలు లిస్టయ్యాయి. దాదాపు రూ.5400 కోట్ల నిధులను సేకరించాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.