రాష్ట్రీయం
రెండోరోజూ మార్కెట్లకు లాభాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, నవంబర్ 16: దేశీయ స్టాక్ మార్కెట్లు వరుసగా రెండో రోజు శుక్రవారం బలపడ్డాయి. విదేశీ పెట్టుబడులు తరలివస్తుండటంతో పాటు రూపాయి బలపడటం మార్కెట్లు లాభపడటానికి దోహదపడింది. రిలయన్స్ ఇండస్ట్రీస్, భారతి ఎయిర్‌టెల్, ఇతర బ్లూచిప్ కంపెనీల షేర్లు రాణించడంతో బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ నాలుగు వారాల గరిష్ట స్థాయి 35,436.33 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ 65.50 పాయింట్లు పుంజుకొని 10,682.20 పాయింట్ల వద్ద స్థిరపడింది. సెనె్సక్స్, నిఫ్టీ రెండూ కూడా వరుసగా మూడో వారం లాభపడ్డాయి. సెనె్సక్స్ ఈ వారంలో 298.61 పాయింట్లు పుంజుకోగా, నిఫ్టీ 97 పాయింట్లు పెరిగింది. సెనె్సక్స్ శుక్రవారం ఎగువ స్థాయి వద్ద ప్రారంభమయి, తరువాత మరింత ముందుకు సాగుతూ ఇంట్రా-డేలో 35,545.85 పాయింట్ల గరిష్ట స్థాయిని తాకింది. అయితే, తరువాత మదుపరులు లాభాల స్వీకరణకు పూనుకోవడం వల్ల కొంత తగ్గి, చివరకు క్రితం ముగింపుతో పోలిస్తే 196.62 పాయింట్ల (0.56 శాతం) ఎగువన 35,457.16 పాయింట్ల వద్ద ముగిసింది. అక్టోబర్ 17 తరువాత సెనె్సక్స్ ఇంత ఎగువ స్థాయిలో ముగియడం ఇదే మొదటిసారి. అక్టోబర్ 17న ఈ సూచీ 34,779.58 పాయింట్ల వద్ద ముగిసింది. సెనె్సక్స్ గురువారం నాటి లావాదేవీలలో కూడా 119 పాయింట్లు పెరిగింది. ఎన్‌ఎస్‌ఈ నిఫ్టీ క్రితం ముగింపుతో పోలిస్తే శుక్రవారం 65.50 పాయింట్ల (0.62 శాతం) ఎగువన 10,682.20 పాయింట్ల వద్ద ముగిసింది. అంతకుముందు ఈ సూచీ 10,695.15- 10,631.15 పాయింట్ల మధ్య కదలాడింది. భారతి ఎయిర్‌టెల్ నేతృత్వంలో వచ్చిన ర్యాలీ శుక్రవారం సెనె్సక్స్ పుంజుకోవడానికి దోహదపడింది. భారతి ఎయిర్‌టెల్ షేర్ల విలువ 9.81 శాతం పెరిగింది. రిలయన్స్ ఇండస్ట్రీస్ (రిల్) 2.79 శాతం లాభంతో తరువాత స్థానంలో నిలిచింది. రిల్ మార్కెట్ క్యాపిటలైజేషన్ పరంగా టాటా కన్సల్టెన్సీ సర్వీసెస్ (టీసీఎస్)ను వెనక్కి నెట్టి దేశంలోనే అత్యంత విలువయిన కంపెనీగా అవతరించింది. టీసీఎస్ షేర్ విలువ క్రితం ముగింపుతో పోలిస్తే 0.90 శాతం ఎగువన రూ. 1,882.25 వద్ద ముగిసింది. బీఎస్‌ఈలో రిల్ మార్కెట్ క్యాపిటలైజేషన్ రూ. 7,14,668.54 కోట్లకు పెరగగా, టీసీఎస్ మార్కెట్ క్యాపిటలైజేషన్ రూ. 7,06,292.61 కోట్లకు చేరుకుంది. శుక్రవారం లాభపడిన ఇతర సంస్థల్లో హీరో మోటోకార్ప్, ఎస్‌బీఐ, హెచ్‌డీఎఫ్‌సీ, హెచ్‌డీఎఫ్‌సీ బ్యాంక్, ఆసియన్ పెయింట్స్, సన్ ఫార్మా, బజాజ్ ఆటో, ఐటీసీ, కోటక్ బ్యాంక్ ఉన్నాయి. జెట్ ఎయిర్‌వేస్ షేర్ల విలువ వరుసగా రెండో రోజు 8.07 శాతం పెరిగింది. మరోవైపు, యెస్ బ్యాంక్ 7.14 శాతం నష్టపోయింది. నష్టపోయిన ఇతర సంస్థల్లో టాటా స్టీల్, ఓఎన్‌జీసీ, మారుతి సుజుకి, యాక్సిస్ బ్యాంక్, ఇండస్‌ఇండ్ బ్యాంక్, ఇన్ఫోసిస్, ఐసీఐసీఐ బ్యాంక్, హెచ్‌యూఎల్, వేదాంత, టాటా మోటార్స్, ఎల్‌అండ్‌టీ తదితర కంపెనీలు ఉన్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.