బిజినెస్
హోరెత్తిన డాలర్ల అమ్మకాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: రిజర్వ్ బ్యాంక్ (ఆర్‌బీఐ) ఈ ఆర్థిక సంవత్సరం తొలి ఏడు నెలల కాలంలో స్పాట్ మార్కెట్‌లో నికరంగా 18.662 బిలియన్ అమెరికన్ డాలర్లను విక్రయించింది. గత ఆర్థిక సంవత్సరం ఇదే కాలంలో ఆర్‌బీఐ నికరంగా 16.301 బిలియన్ అమెరికన్ డాలర్లను కొనుగోలు చేయడం ద్వారా నికర కొనుగోలుదారుగా నిలిచింది. ఈ సంవత్సరం సెప్టెంబర్‌లో ఆర్‌బీఐ స్పాట్ మార్కెట్‌లో నికరంగా రూ. 31 మిలియన్ అమెరికన్ డాలర్లను విక్రయించినట్లు కేంద్ర బ్యాంకు తాజాగా విడుదల చేసిన గణాంకాలు వెల్లడించాయి. ఆర్‌బీఐ సెప్టెంబర్ నెలలో 1.012 బిలియన్ డాలర్లను కొనుగోలు చేసి, 1.043 బిలియన్ డాలర్లను విక్రయించింది. కేంద్ర బ్యాంకు నికరంగా ఆగస్టు నెలలో 2.323 డాలర్లను, జూలై నెలలో 1.87 బిలియన్ డాలర్లను విక్రయించింది. ఏప్రిల్ నెలలో 2.483 బిలియన్ డాలర్లను, మే నెలలో 5.767 బిలియన్ డాలర్లను, జూన్ నెలలో 6.184 బిలియన్ డాలర్లను విక్రయించినట్లు రిజర్వ్ బ్యాంక్ తెలిపింది.
ఇదిలా ఉండగా, 2017 సెప్టెంబర్‌లో ఆర్‌బీఐ నికరంగా డాలర్ల కొనుగోలుదారుగా నిలిచింది. ఆర్‌బీఐ సెప్టెంబర్‌లో నికరంగా 1.259 బిలియన్ డాలర్లను కొనుగోలు చేసింది. ఈ నెలలో స్పాట్ మార్కెట్‌లో 3.788 బిలియన్ డాలర్లను కొనుగోలు చేసిన కేంద్ర బ్యాంకు 2.529 బిలియన్ డాలర్లను విక్రయించింది. రూపాయి మారకం విలువలో అనిశ్చితిని నియంత్రించడానికి ఆర్‌బీఐ ఫారిన్ ఎక్స్చేంజ్ మార్కెట్‌లో జోక్యం చేసుకుంది. రూపాయి విలువకు సంబంధించి ఒక స్థాయిని అది లక్ష్యంగా పెట్టుకోలేదు. అమెరికన్ డాలర్‌తో మారకంలో తీవ్రంగా పడిపోతున్న రూపాయి విలువను పరిరక్షించడానికి ఆర్‌బీఐ గత కొన్ని నెలలుగా స్పాట్ మార్కెట్‌లో క్రియాశీలకంగా జోక్యం చేసుకుంది.
డాలర్‌తో రూపాయి మారకం విలువ అక్టోబర్‌లో చరిత్రలో మొదటిసారి కనిష్ట స్థాయి 74.1 వద్దకు పడిపోయింది. ఇదిలా ఉండగా 2017-18 ఆర్థిక సంవత్సరంలో ఆర్‌బీఐ స్పాట్ మార్కెట్‌లో నికరంగా 33.689 బిలియన్ డాలర్లను కొనుగోలు చేసింది. స్పాట్ మార్కెట్ నుంచి 52.068 బిలియన్ డాలర్లను కొనుగోలు చేసిన కేంద్ర బ్యాంకు, 18.379 బిలియన్ డాలర్లను విక్రయించింది. అంతకు ముందు 2016-17 ఆర్థిక సంవత్సరంలో ఆర్‌బీఐ నికరంగా 12.351 బిలియన్ అమెరికన్ డాలర్లను కొనుగోలు చేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.