బిజినెస్
గీతంతో కలిసి పనికి హెచ్‌సీఎల్ రెడీ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, డిసెంబర్ 6: ప్రఖ్యాత ఐటీ రంగ సంస్థ హిందుస్థాన్ కంప్యూటర్స్ లిమిటెడ్ (హెచ్‌సీఎల్) గీతం డీమ్డ్ యూనివర్శిటీతో కలిసి పనిచేసేందుకు సంసిద్ధత వ్యక్తం చేస్తోంది. రెండు రోజుల పాటు గీతం యూనివర్శిటీలో సందర్శించిన సంస్థ బృంద నైపుణ్యం కలిగిన యువత కోసం గీతంతో కలిసి పనిచేసేందుకు నిర్ణయించినట్టు హెచ్‌సీఎల్ ఉపాధ్యక్షురాలు శ్రీమతి శివశంకర్ గురువారం తెలిపారు. ఇటీవలే అమరావతిలో ప్రాంగణం ఏర్పాటు చేసిన హెచ్‌సీఎల్ సంస్థ అవసరమైన నిపుణతతో కూడిన యువత కోసం అనే్వషిస్తున్న తమకు గీతం చేయూతనిచ్చేందుకు ముందుకు వచ్చినట్టు ఆమె వెల్లడించారు. ముందుగా గీతం విద్యా సంస్థల అధ్యక్షుడు ఎం భరత్‌తో ఉపాధ్యక్షురాలు సహా సెంటర్ హెడ్ సుబ్రహ్మణ్యం, రిక్రూట్‌మెంట్ విభాగం డిప్యూటీ మేనేజర్ షేక్ మహ్మద్ ఆలీషా సమావేశమయ్యారు. అనంతరం గీతం వైస్‌ఛాన్స్‌లర్ ఎంఎస్ ప్రసాదరావు తదితరులతో చర్చిస్తూ అమరావతిలో పూర్తి స్థాయి కార్యకలాపాలు ప్రారంభించనున్న తమ సంస్థ రీసెర్చ్ అండ్ డెవలప్‌మెంట్ (ఆర్ అండ్ డి)పై ప్రధానంగా దృష్టి సారించిందన్నారు. అతిపెద్ద ఆర్ అండ్ డి సెంటర్‌గా అమరావతి ప్రాంగణాన్ని అభివృద్ధి చేయాలన్నదే తమ లక్ష్యమన్నారు. ఆంధ్రప్రదేశ్ నుంచి ఇతర దేశాలకు వెళ్లి ఐటీ రంగంలో రాణిస్తున్న వారికి వెనక్కు రప్పించే ప్రణాళిక రూపొందిస్తున్నామన్నారు. స్థానికంగా ఉండే యువతకు ఎక్కువగా అవకాశాలు కల్పిస్తామని, ఇందుకు గాను గీతం వంటి సంస్థతో దీర్ఘకాలిక అనుబంధానికి ఆసక్తితో ఉన్నామన్నారు. ఇతర దేశాల్లో ఐటీ రంగంలో పనిచేస్తున్న ఎందరో గీతం పూర్వ విద్యార్థులు అమరావతి హెచ్‌సీఎల్ కేంద్రంలో పనిచేసేందుకు ఆసక్తి కనబరుస్తున్నారన్నారు. ఈ సందర్భంగా వివిధ రాష్ట్రాల్లో హెచ్‌సీఎల్ కార్యకలాపాలను ఆమె వివరించారు. గీతం వైస్‌ఛాన్స్‌లర్ ప్రొఫెసర్ ఎంఎస్ ప్రసాదరావు మాట్లాడుతూ ఇప్పటికే తాము రెడ్డీస్ ల్యాబ్, లారస్‌ల్యాబ్ వంటి పరిశ్రమలతో కలిసి పనిచేస్తున్నామని, హెచ్‌సీఎల్‌కు కూడా సంపూర్ణ సహకారం అందిస్తామన్నారు. గీతం ప్రాంగణంలో అంతర్జాతీయ వాణిజ్యం, లాజిస్టిక్స్, ఎనలిటిక్స్ వంటి కోర్సుల పట్ల హెచ్‌సీఎల్ ఆసక్తి చూపడం అభినందనీయమన్నారు. సమావేశంలో గీతం ప్రో వైస్ ఛాన్స్‌లర్ ప్రొఫెసర్ శివరామకృష్ణ, రిజిస్ట్రార్ ఎం పోతరాజు తదితరులు పాల్గొన్నారు.
చిత్రం..గీతం డీమ్డ్ యూనివర్శిటీ వైస్‌ఛాన్స్‌లర్ ప్రొఫెసర్ ఎంఎస్ ప్రసాదరావు,
తదితరులతో చర్చిస్తున్న హెచ్‌సీఎల్ ఉపాధ్యక్షురాలు శివశంకర్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.