బిజినెస్
ఆశాజనకంగా స్టాక్ మార్కెట్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెంబర్ 13: స్టాక్ మార్కెట్ ఈవారం ఆశాజనకమైన రీతిలో ముగుస్తుందని ట్రేడింగ్ విధానం స్పష్టం చేస్తున్నది. బుధవారం 629.06 పాయింట్లు పెరిగిన సెనె్సక్స్ గురువారం మరో 150.57 పాయింట్లు (0.42 శాతం) పెరిగి, 35,929.64 పాయింట్ల వద్ద ముగిసింది. నిఫ్టీ కూడా లాభాల బాటను కొనసాగించింది. 53.95 పాయింట్లు (0.50 శాతం) పెరగడం ద్వారా 10,791.55 పాయింట్లకు చేరింది. రాజీనామా చేసిన ఉర్జీత్ పటేల్ స్థానంలో శక్తికాంత దాస్‌ను రిజర్వ్ బ్యాంక్ గవర్నర్‌గా నియమించడంతో, అస్థిరతకు తెరపడింది. దీనితో ప్రపంచ గ్లోబల్ మార్కెట్ ఆశించిన స్థాయిలో సానుకూల ధోరణులు ప్రదర్శించకపోయినప్పటికీ, బాంబే స్టాక్ ఎక్ఛ్సేంజ్ (బీఎస్‌ఈ) మాత్రం లాభాల్లో ముగిసింది. బుధవారంతో పోలిస్తే, ఆ స్థాయిలో బుల్ దూకుడు కనిపించకపోయినప్పటికీ, స్థూలంగా చూస్తే పరిస్థితి ఆశాజనకంగానే కనిపిస్తున్నది. విప్రో, కోటక్ బ్యాంక్, ఇన్ఫోసిస్, మారుతీ, టాటా మోటార్స్, ఎల్ అండ్ టీ, ఇండస్‌ఇండ్ బ్యాంక్, హీరో మోటోకార్ప్, మహీంద్ర అండ్ మహీంద్ర, ఎస్‌బీఐ, ఓఎన్‌జీసీ, హెచ్‌డీఎఫ్‌సీ బ్యాంక్, హెచ్‌యూఎల్ షేర్లు సగటున మూడు శాతం లాభపడ్డాయి. కాగా, సన్‌ఫార్మా, టీసీఎస్, టాటా స్టీల్, అదానీ పోర్ట్స్, కోల్ ఇండియా తదితర కంపెనీల వాటాలు నష్టాలను చవిచూశాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.