బిజినెస్
చివరి రోజు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జనవరి 4: ఈవారానికి చివరి రోజైన శుక్రవారం స్టాక్ మార్కెట్‌కు ఊరట లభించింది. వరుస నష్టాలను ఎదుర్కొన్న సెనె్సక్స్ కొంత వరకు మెరుగుపడింది. 181.39 పాయింట్లు ఎగబాకి, 35,695.10 పాయింట్ల వద్ద ముగిసింది. బుధ, గురు వారాల్లో కొనసాగిన పతనం శుక్రవారం కూడా తప్పదనే అభిప్రాయం బలంగా వినిపించింది. కానీ, అందుకు భిన్నంగా ఉదయం ట్రేడింగ్ మొదలైన తర్వాత అమ్మకాల ఒత్తిడి తగ్గి, మార్కెట్ కొనుగోళ్లతో సందడిగా మారింది. సిఫ్టీ కూడా 55.10 పాయింట్లు లాభపడడంతో 10,727.35 పాయింట్ల వద్ద ముగిసింది. ఈ వారం మొత్తంలో సెనె్సక్స్ 381.62 పాయింట్లు, నిఫ్టీ 132.55 పాయింట్లు నష్టపోయిన నేపథ్యంలో, వారాంతం కొంత మెరుగైన పరిస్థితి కనిపించడం ట్రేడర్ల ఆశలకు ఊతమిచ్చింది. ఎస్ బ్యాంక్, భారతీ ఎయిర్‌టెల్, టాటా మోటార్స్, వేదాంతా, ఎస్‌బీఐ, యాక్సిస్ బ్యాంక్ కంపెనీల షేర్లు 3.05 శాతం లాభాలను ఆర్జించాయి. అయితే, హెచ్‌సీఎల్ టెక్, టీసీఎస్, ఇన్ఫోసిస్, హీరో మోటోకార్ప్,డస్‌ఇండ్ బ్యాంక్, సన్ ఫార్మా తదితర కంపెనల షేర్లు సగటున 1.55 శాతం నష్టాలను చవిచూశాయి. వివిధ రంగాలను పరిశీలిస్తే, బ్యాంకింగ్, ఆర్థిక సేవలు, మెటల్, ఫార్మా సూచీల ర్యాలీ కొనసాగింది. వీటిలో చాలా వరకు రంగాలు రెండు శాతాన్ని మించిన లాభాలను నమోదు చేశాయి. పంజాబ్ నేషనల్ బ్యాంక్ (పీఎన్‌బీ), యూనియన్ బ్యాంక్, బ్యాంక్ ఆఫ్ ఇండియా, ఆంధ్రా బ్యాంక్, ఎస్‌బీఐ వంటి ప్రభుత్వ రంగ బ్యాంకులు సగటున 4 శాతం లాభాన్ని సంపాదించాయి. అమెరికా, చైనా మధ్య వాణిజ్య పరమైన చర్చలు ప్రారంభం కానున్న నేపథ్యంలో, అమెరికా స్టాక్ మార్కెట్ సూచీలు సానుకూలంగా స్పందించాయి. వచ్చేవారం ఆరంభంలో అమెరికాకు చెందిన అధికారుల బృందం చైనా వెళ్లి, ద్వైపాక్షిక వాణిజ్య సంబంధాలపై చర్చలు జరుపుతుంది. ఇరు దేశాల మధ్య కొనసాగుతున్న వాణిజ్య యుద్ధానికి ముగింపు పలకాలని అమెరికా అధ్యక్షుడు డొనాల్డ్ ట్రంప్, చైనా అధ్యక్షుడు జీ జింగ్‌పిన్ స్థూలంగా ఒక అవగాహనకు రావడంతో సమస్యకు తెరపడుతుందనే అభిప్రాయం ఇరు వర్గాల్లో కనిపిస్తున్నది. కాగా, ఈ పరిణామం స్టాక్ మార్కెట్‌కు అనుకూలించింది. బాంబే స్టాక్ ఎక్ఛ్సేంజ్ (బీఎస్‌ఈ) అందించిన వివరాల ప్రకారం విదేశీ పెట్టుబడిదారులు (ఎఫ్‌పీఐ) 972.81 కోట్ల రూపాయల షేర్లను అమ్మారు. అయితే, దేశీయ మదుపరులు కొనుగోళ్లను కొనసాగించారు. వీరు కొన్న వాటాల విలువ 34.52 కోట్ల రూపాయలు. ఇలావుంటే, ఫోరెక్స్ మార్కెట్ శుక్రవారం కొంత బలపడింది. 33 పైసలు మెరుగు కావడంతో డాలర్ విలువ 69.87 రూపాయలుగా నమోదైంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.