బిజినెస్
స్వల్ప నష్టాల్లో సెన్సెక్స్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 22: రిజర్వుబ్యాంకు తాజా విధాన నిర్ణయ సమావేశం తాలూకు మినిట్స్‌ను విడుదల చేయడంతో మదుపర్లు శుక్రవారం ఆచితూచి వ్యవహరించారు. ఈక్రమంలో దేశీయ మార్కెట్ సూచీ సెన్సెక్స్ స్వల్ప నష్టాలను చవిచూడగా, నిఫ్టీ స్వల్ప లాభాలతో ముగిసింది. ప్రధానంగా బ్యాంకింగ్ స్టాక్స్‌పై ఈప్రభావం కనిపించింది. 30 షేర్ల సెనె్సక్స్ 26.87 పాయింట్లు కోల్పోయి 0.07 శాతం నష్టాలతో 35,871.48 వద్ద ముగియగా, ఎన్‌ఎస్‌ఈ నిఫ్టీ మాత్రం 1.80 పాయింట్ల స్వల్ప లాభంతో 10.791.65 వద్ద స్థిరపడింది. సెనె్సక్స్ ప్యాక్‌లో కోటక్ బ్యాంకు అత్యధికంగా 3.71 శాతం నష్టపోయింది. దాంతోబాటు ఆర్‌ఐఎల్, హెచ్‌డీఎఫ్‌సీ బ్యాంక్, బజాజ్ ఫైనాన్స్, పవర్‌గ్రిడ్, ఇండస్ ఇండ్ బ్యాంక్, ఆసియన్ పెయింట్స్, హెచ్‌డీఎఫ్‌సీ, ఐటీసీ సైతం నష్టాలను చలిచూశాయి. మరోవైపు యెస్‌బ్యాంక్ దాదాపు 3.23 శాతం లాభపడింది. దీంతోబాటే వేదాంత, టాటా మోటార్స్, ఎన్‌టీపీసీ, ఎం అండ్ ఎం, మారుతి, ఓఎన్‌జీసీ, హీరోమోటార్ కార్ప్ దాదాపు 2.86 శాతం లాభాలను గడించాయి. రంగాల వారీగా చూసే బీఎస్‌ఈ బ్యాంకెక్స్‌తోబాటు ఫైనాన్స్ సూచీలు 0.43 శాతం నష్టపోగా, విద్యుత్, వినిమయ వస్తువుల రంగాలు సైతం నష్టపోయాయి. బీఎస్‌ఈలో లోహ, వాహన, రియాలిటీ, విద్యుత్, చమురు, గ్యాస్ రంగాల సూచీలు 1.62 శాతం లాభాలు సంతరించుకున్నాయి. కాగా బీఎస్‌ఈ మిడ్‌క్యాప్ సూచీ 0.38 శాతం, స్మాల్‌క్యాప్ 0.77 శాతం వంతున లాభపడ్డాయి. కాగా అంతర్జాతీయంగా నెలకొన్న సానుకూలతో ఉన్న మదుపర్లుకు రిజర్వు బ్యాంకు మానిటరీ విధాన నిర్ణయ సమావేశంతో జాగరూకతతో వ్యవహరించాల్సిన పరిస్థితులు ఏర్పడ్డాయని వ్యాపారులు అంటున్నారు. ఆర్బీఐ ఈ సమాశానికి సంబంధించిన మినిట్స్‌ను గురువారం విడుదల చేసింది. ద్రవ్యోల్బణం కారణంగా వారాంతపు వృద్ధిరేటు పెరగని పరిస్థితి నెలకొందని సెంట్రల్ బ్యాంక్ మానిటరీ పాలసీ కమిటీ నోట్ ఈ సందర్భంగా పేర్కొంది. ఈనెల తొలి వారంలో చేపట్టిన రేట్ల కోత ఇందుకు కారణమని వెల్లడించింది. దీంతో మదుపర్లు ఆచితూచి అడుగువేశారు.
రూ.202.10 కోట్ల వాటాలు కొనుగోలు చేసిన దేశీయ మదుపరులు
దేశీయ సంస్థాగత మదుపరులు గురువారం 202.10 కోట్ల రూపాయల విలువైన వాటాలను కొనుగోలు చేయగా, విదేశీ సంస్థాగత మదుపర్లు 55.48 కోట్ల రూపాయల విలువైన వాటాలు కొన్నారు. కాగా ఆసియా మార్కెట్ల విషయానికొస్తే హాంగ్‌కాంగ్‌కు చెందిన హ్యాంగ్‌సంగ్ 0.65 శాతం, షాంఘయ్ కాంపోజిట్ సూచీ 1.91 శాతం, కొరియాకు చెందిన కోస్పి 0.08 శాతం వంతున లాభాలను సంతరించుకోగా, జపాన్‌కు చెందిన నిక్కీ 0.18 శాతం నష్టపోయింది. ఇక యూరోపియన్ మార్కెట్లలో ప్రాంక్‌ఫర్ట్ డీఏఎక్స్ 0.17 శాతం, ప్యారిస్‌కు చెందిన సీఏడీ-40 0.27 శాతం, లండన్‌కు చెందిన ఎఫ్‌టీఎస్‌ఈ 0.17 శాతం వంతున లాభపడ్డాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.