బిజినెస్
నాలుగు రోజుల లాభాలకు తెర
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: బొంబాయి స్టాక్ ఎక్స్చేంజ్ (బీఎస్‌ఈ) సెనె్సక్స్ నాలుగు రోజుల పరుగుకు తెరపడింది. మదుపరులు లాభాల స్వీకరణకు పూనుకోవడంతో పాటు ఈ సంవత్సరం వర్షపాతం సాధారణ స్థాయికన్నా తక్కువగా నమోదవుతుందనే అంచనాల కారణంగా బుధవారం సెనె్సక్స్ సుమారు 180 పాయింట్లు పడిపోయింది. ప్రపంచ మార్కెట్లలో బలమయిన ర్యాలీ వచ్చినప్పటికీ దేశీయ మార్కెట్లు మాత్రం తమ జీవితకాల గరిష్ఠ స్థాయిలను నిలబెట్టుకోలేక పోయాయి. ప్రధానంగా చమురు- సహజ వాయువు, టెలికం, లోహ, హెల్త్‌కేర్ రంగాల షేర్ల ధరలు పడిపోవడంతో ఈ సూచీ దిగజారింది. బుధవారం సెషన్‌లో సుమారు 450 పాయింట్ల పరిధిలో పైకి కిందికి కదలాడిన సెనె్సక్స్ చివరకు క్రితం ముగింపుతో పోలిస్తే 179.53 పాయింట్ల (0.46 శాతం) దిగువన 38,877.12 పాయింట్ల వద్ద ముగిసింది. నేషనల్ స్టాక్ ఎక్స్చేంజ్ (ఎన్‌ఎస్‌ఈ) నిఫ్టీ కూడా బుధవారం ఆరంభంలో సాధించిన లాభాలను కోల్పోయింది. చివరకు క్రితం ముగింపుతో పోలిస్తే 69.25 పాయింట్ల (0.59 శాతం) దిగువన 11,643.95 పాయింట్ల వద్ద స్థిరపడింది. ఈ సంవత్సరం వర్షపాతం సాధారణ స్థాయికన్నా తక్కువగా నమోదవుతుందని స్కైమెట్ వేసిన అంచనా వల్ల మార్కెట్ కీలక సూచీలు ఆరంభంలో ఆర్జించిన లాభాలను కోల్పోయాయి అని సాంక్టమ్ వెల్త్ మేనేజ్‌మెంట్ చీఫ్ ఇనె్వస్ట్‌మెంట్ ఆఫీసర్ సునిల్ శర్మ తెలిపారు. ఇదిలా ఉండగా, బుధవారం నాటి లావాదేవీలలో సెనె్సక్స్ ప్యాక్‌లోని సంస్థల్లో ఎస్‌బీఐ అత్యధికంగా 2.40 శాతం నష్టపోయింది. యెస్ బ్యాంక్, భారతి ఎయిర్‌టెల్, ఎల్‌అండ్‌టీ, సన్ ఫార్మా, ఎంఅండ్‌ఎం, ఐసీఐసీఐ బ్యాంక్, ఓఎన్‌జీసీ, రిల్, ఆసియన్ పెయింట్స్, వేదాంత, హెచ్‌యూఎల్ సంస్థలు 2.37 శాతం వరకు నష్టపోయి తరువాత స్థానాల్లో నిలిచాయి. మరోవైపు, మారుతి, హెచ్‌సీఎల్ టెక్నాలజి, హెచ్‌డీఎఫ్‌సీ, టాటా స్టీల్, పవర్‌గ్రిడ్, హీరో మోటోకార్ప్, టీసీఎస్ 2.78 శాతం వరకు లాభపడ్డాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.