బిజినెస్
జెట్ ఎయిర్‌వేస్ మూత!
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: ఆర్థిక సంక్షోభంలో చిక్కుకున్న జెట్ ఎయిర్‌వేస్ మూతపడే పరిస్థితి కనిపిస్తున్నది. ఒకప్పుడు వందకు పైగా ఉన్న విమానాల సంఖ్య ఇప్పుడు 12కు చేరుకుంది. పైలట్లు, ఇంజనీర్లు, ఇతర సిబ్బందికి కూడా జీతాలు చెల్లించలేకపోతున్న ఈ సంస్థ ఆర్థిక సాయం కోసం ఎస్‌బీఐని ఆశ్రయించింది. ఉద్యోగులు కూడా యాజమాన్యానికి మద్దతు పలుకుతూ, రూ.1,500 కోట్ల తక్షణ రుణాన్ని మంజూరు చేయాలని ప్రధాన రుణదాత ఎస్‌బీఐకి విజ్ఞప్తి చేశారు. జెట్ ఎయిర్‌వేస్ మూత పడితే సుమారు 20వేల మంది ఉద్యోగులు వీధినపడతారని ఆందోళన వ్యక్తం చేశారు. కాగా, తక్షణ సాయం కింద రూ.400 కోట్లిస్తే తాత్కాలికంగా సమస్య నుంచి బయటపడే అవకాశం లభిస్తుందని యాజమాన్యం చేసిన విజ్ఞప్తిని రుణదాతల కమిటీ తిరస్కరించినట్టు సమాచారం. బుధవారం జరిగిన సమావేశంలో జెట్ ఎయిర్‌వేస్ అభ్యర్థనపై ఎక్కువ మంది సభ్యులు సానుకూలంగా స్పందించలేదని తెలుస్తోంది. ప్రస్తుతం అందుబాటులో ఉన్న సమాచారం నిజమైతే జెట్ ఎయిర్‌వేస్ త్వరలోనే మూతపడక తప్పదు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.