బిజినెస్
ఎవరిని నియమిద్దాం?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 18: రిజర్వు బ్యాంకు (ఆర్‌బిఐ) కొత్త గవర్నర్‌గా ఎవరిని నియమించాలన్న అంశంపై కేంద్ర ఆర్థిక శాఖ మంత్రి అరుణ్ జైట్లీ గురువారం ప్రధాని మోదీతో సమావేశమై దాదాపు గంటసేపు సుదీర్ఘ చర్చ జరిపారు. ప్రస్తుతం ఆర్‌బిఐ గవర్నర్‌గా వ్యవహరిస్తున్న రఘురామ్ రాజన్ పదవీ కాలం మరికొద్ది రోజుల్లో ముగియనున్న నేపథ్యంలో జైట్లీ గురువారం ప్రధానితో సమావేశమయ్యారు. రాజన్ మూడేళ్ల పదవీ కాలం వచ్చే నెల 4వ తేదీతో ముగియనుండటంతో ఆయన వారసుడిగా ఆర్‌బిఐ గవర్నర్ పదవి కోసం పోటీపడుతున్న పలువురు వ్యక్తుల గురించి ఈ సమావేశంలో చర్చించినట్లు తెలుస్తోంది. ఆర్‌బిఐ కొత్త గవర్నర్‌గా ఎవరిని నియమిస్తున్నారని విలేఖర్లు జైట్లీని ప్రశ్నించగా, ఎంపిక ప్రక్రియ ఇంకా పూర్తికాలేదని, దీనిపై నిర్ణయం జరిగిన తర్వాత తెలియజేస్తామని చెప్పారు. ఆర్థిక మంత్రితో చర్చించి రిజర్వు బ్యాంకు గవర్నర్‌ను ప్రధాని ఎంపిక చేయడం ఆనవాయితీగా వస్తున్న విషయం తెలిసిందే. రిజర్వు బ్యాంకు గవర్నర్‌గా రెండోసారి తనను ఎంపిక చేయాలని కోరబోనని, మళ్లీ అధ్యాపక వృత్తిని చేపడతానని రఘురామ్ రాజన్ రెండు నెలల క్రితమే సంచలన ప్రకటన చేసి మార్కెట్లను ఆశ్చర్యపరిచారు. 1991లో ఆర్థిక సరళీకరణ శకం ప్రారంభమైన తర్వాత అత్యంత తక్కువ కాలం పాటు ఆర్‌బిఐ గవర్నర్ పదవిలో ఉన్న రాజన్‌పై బిజెపి ఎంపి సుబ్రమణియన్ స్వామి పదేపదే రాజకీయ విమర్శలు గుప్పించడంతో ఆయన ఈ నిర్ణయం తీసుకున్నారు. దీంతో ఆర్‌బిఐ గవర్నర్ పదవి కోసం ప్రస్తుత డిప్యుటీ గవర్నర్ ఉర్జిత్ పటేల్, మాజీ డిప్యుటీ గవర్నర్ సుబిర్ గోకర్ణ్ ప్రధానంగా పోటీ పడుతున్నారు. ఆర్‌బిఐ డిప్యుటీ గవర్నర్‌గా పటేల్ పదవీ కాలాన్ని జనవరిలో మరో మూడేళ్లు పొడిగించగా, గోకర్ణ్ ప్రస్తుతం అంతర్జాతీయ ద్రవ్యనిధి సంస్థ (ఐఎంఎఫ్) ఎగ్జిక్యూటివ్ డైరెక్టర్‌గా పనిచేస్తున్నారు. వీరిద్దరితో పాటు ప్రపంచ బ్యాంకు చీఫ్ ఎకనమిస్టు కౌశిక్ బసు, కేంద్ర ఆర్థిక శాఖ ముఖ్య సలహాదారు అరవింద్ సుబ్రమణియన్, ఆర్థిక వ్యవహారాల శాఖ కార్యదర్శి శక్తికాంత దాస్, స్టేట్ బ్యాంక్ ఆఫ్ ఇండియా (ఎస్‌బిఐ) చీఫ్ అరుంధతీ భట్టాచార్య కూడా రిజర్వు బ్యాంకు గవర్నర్ పదవికి రేసులో ఉన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.