బిజినెస్
అనుచిత వాణిజ్య కార్యకలాపాలపై సెబీ కొరడా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 28: బీఎస్‌ఈలోద్రవ్య నిల్వలకు సంబంధించిన విభాగంలో అనుచిత వాణిజ్య కార్యకలాపాలకు పాల్పడిన నాలుగు కంపెనీలపై మార్కెట్ నియంత్రణ విభాగం సెబీ శుక్రవారం నాడిక్కడ కొరడా ఝళిపించింది. ఆ కంపెనీలకు రూ. 26 లక్షల మేర జరిమానాలు విధించింది. జీఎస్‌కే టెక్నాలజీ పార్క్ ప్రైవేట్ లిమిటెడ్, ఫెమినా స్టాక్ మేనేజ్‌మెంట్, సాగర్ కన్‌స్ట్రక్షన్స్ అండ్ ఎస్‌పీఎఫ్‌ఎల్ సెక్యూరిటీస్ లిమిటెడ్‌లు ఈ మేరకు సెబీ శిక్షకు గురయ్యాయి. 2014 ఏప్రిల్ నుంచి 2015 సెప్టెంబర్ వరకు జరిగిన లావాదేవీలను పరిశీలించిన మీదట సెబీ ఈ సందర్భంగా న్యాయనిర్ణయం చేసింది. బీఎస్‌ఈ స్టాక్ ఆఫ్షన్స్ సెగ్మెంట్‌లో అనేక కంపెనీలు భారీగా రివర్సల్ ట్రేడింగ్‌కు పాల్పడినట్టు సెబీ గుర్తించింది. వాటాల కొనుగోళ్లు అమ్మకాల ఐచ్ఛికాల్లో క్లైంట్లు, కౌంటర్ పార్టీలు అడ్డగోలు వాణిజ్యాన్ని అనుసరించారని సెబీ పరిశీలనలో తేలింది. ఈ వాణిజ్య కార్యకలాపాలు సాధారణంగా జరగలేదని, బహిరంగ ఐచ్చికాలను ఇష్టా రీతిలో వర్గీకరించారని, కాంట్రాక్టుల ధరలు సైతం సవ్యంగా లేదని సెబీ పేర్కొంది. మోసపూరిత, అనుచిత వాణిజ్య కార్యకలాపాల నియంత్రణ చట్టం (పీఎఫ్‌యూటీపీ)ని ఉల్లంఘించినందుకు ఆ నాలుగు కంపెనీలపై చర్యలు తీసుకున్నట్టు సెబీ స్పష్టం చేసింది. కాగా ఇందులో ఎస్‌పీఎఫ్‌ఎల్ సెక్యూరిటీస్‌కు 11.8 లక్షల జరిమానా విధించగా, మిగిలిన మూడు కంపెనీలకు ఒక్కో కంపెనీకి రూ. 5 లక్షల వంతున జరిమానా విధించినట్టు సెబీ తెలిపింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.