బిజినెస్
సుదీర్ఘకాల నష్టాలతో స్టాక్‌మార్కెట్లు విలవిల
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, జూలై 25: దేశీయ స్టాక్ మార్కెట్లు వరుసగా ఆరోరోజైన గురువారం సైతం నష్టాలను చవిచూశాయి. సూచీలు తీవ్ర ఒడిదుడుకులకు గురయ్యాయి. జూలై డెరివేటివ్ కాంట్రాక్టుల గడువుముగిసిపోతున్న దృష్ట్యా మదుపర్లు వేచిచూసే దోరణిని అవలంభించారు. దీంతో బీఎస్‌ఈలో 30 షేర్ల సూచీ సెనె్సక్స్ 16.67 పాయింట్లు కోల్పోయి 0.04 శాతం నష్టాలతో 37,830.98 పాయింట్ల దిగువన స్థిరపడింది. తొలుత 394 పాయింట్లు ఎగబాకి ఆశలు రేపిన సెనె్సక్స్ ఆ తర్వాత నేలచూపులు చూసింది. ఇంట్రాడేలో ఓ దశలో 37,775.51 పాయింట్ల కనిష్టాన్ని, మరోదశలో 38,169.87 పాయింట్ల గరిష్టాన్ని స్పృశించింది. ఇక బ్రాడర్ ఎన్‌ఎస్‌ఈలో నిఫ్టీ సైతం 19.15 పాయింట్లు కోల్పోయి 0.17 శాతం నష్టాలతో 11,252 పాయింట్ల దిగువన స్థిరపడింది. ఇంట్రాడేలో ఓ దశలో 11,239.35 పాయింట్ల కనిష్టాన్ని, మరో దశలో 11,361.40 పాయింట్ల గరిష్టాన్ని ఈ సూచీ తాకింది. కాగా సెనె్సక్స్ ప్యాక్‌లో టాటామోటార్స్ అత్యధికంగా 4.56 శాతం నష్టాల పాలైంది. ఈ సంస్థ త్రైమాసిక ఫలితాలు విడుదలైన క్రమంలో వాటాలపై ప్రతికూల ప్రభావం పడిందని విశే్లషకులు తెలిపారు. అలాగే బజాజ్ ఫైనాన్స్, రిలయన్స్ ఇండస్ట్రీస్ లిమిటెడ్, ఎస్‌బ్యాంక్, ఎన్‌టీపీసీ, టాటాస్టీల్ సైతం 3.95 శాతం నష్టపోయాయి. జూలై ఫ్యూచర్స్ అండ్ ఆఫ్షన్స్ (ఎఫ్ అండ్ ఓ) కాంట్రాక్టులు ముగిసిపోవడంతో మార్కెట్లు తీవ్ర స్థాయిలో ఒడిదుడుకులకు గురయ్యాయని వ్యాపారులు తెలిపారు. తొలుత సానకూలంగానే ఆరంభమైన ట్రేడింగ్ ఆ తర్వాత హెవీ వెయిట్ సూచీలోని రిలయన్స్ ఇండస్ట్రీస్, బజాజ్ ఫైనాన్స్, ఐటీ, ఎల్ అండ్ టీ తీవ్ర నష్టాల పాలవడం మార్కెట్లపై ప్రతికూల ప్రభావం చూపిందని అంటున్నారు. కాగా ఆసియాలో అధిక శాతం సూచీలు గురువారం లాభాలనే నమోదు చేశాయి. ప్రధానంగా అమెరికా-చైనా మధ్య సుమారు ఏడాది కాలంగా సాగుతున్న వాణిజ్య యుద్ధానికి ముగింపుపలికే దిశగా ఇరుదేశాలు చర్యలకు ఉపక్రమించడం ఆసియా మార్కెట్లకు ఊతమిచ్చింది. ఇరుదేశాలకు చెందిన అధికారులు వచ్చేవారం రెండు రోజుల పాటు సంప్రదింపులు జరుపుతాయరన్న వార్తలతో మదుపర్లు వాటాల కొనుగోళ్లపై అసక్తి చూపారు. ఈక్రమంలో షాంఘై కాంపోజిట్ సూచీ, హ్యాంగ్‌సెంగ్, నిక్కీ లాభాలతో ముగిశాయి. కోస్పి మాత్రం నష్టాలను నమోదు చేసింది. ఇక ఐరోపా మార్కెట్లు గురువారం ఆరంభ ట్రేడింగ్‌లో మిశ్రమ ఫలితాలను నమోదు చేశాయి.
రూపాయి బలహీనం
కరెన్సీ స్థితిగతులను పరిశీలిస్తే అమెరికన్ డాలర్‌తో రూపాయి మారకం విలువ గురువారం స్వల్పంగా తగ్గి ఇంట్రాడేలో రూ.69.02గా ట్రేడైంది. కాగా అంతర్జాతీయ మార్కెట్లో ముడిచమురు ధరలు 0.79 శాతం పెరిగి బ్యారెల్ 63.68 డాలర్లు పలికింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.