బిజినెస్
ఏడు శాతం లాభపడిన బజాజ్ ఫైనాన్స్ వాటాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 26: బజాజ్ ఫైనాన్స్ వాటాలు శుక్రవారం 7 శాతం అదనంగా లాభపడ్డాయి. ఈ కంపెనీ త్రైమాసిక ఫలితాల్లో ఇదివరకెన్నడూ లేనంత అధిక స్థాయి నికర లాభాన్ని నమోదు చేయడమే ఇందుకు కారణం. జూన్ 30తో ముగిసిన మూడు నెలల కాలానికి సంబంధించిన ఫలితాలు వెలువడిన వెంటనే వాటాలకు ఊపువచ్చింది. 7.20 శాతం లాభపడిన ఈ వాటాలు బీఎస్‌ఈలో ఒక్కోవాటా రూ. 3,266.65 వంతున ట్రేడయ్యాయి. ఒక దశలో ఈ వాటాలు 7.65 శాతం లాభాలతో ఒక్కో వాటా విలువ రూ. 3,279.65కు చేరింది. కాగా ఎన్‌ఎస్‌ఈలో సైతం ఈ కంపెనీ వాటాలు 7.40 లాభపడ్డాయి. ఒక్కోవాటా రూ. 3,272గా ట్రేడయ్యాయి. మొత్తం వాణిజ్య విలువను బట్టి 3.38 లక్షల వాటాలు బీఎస్‌ఈలోనూ, 69 లక్షల వాటాలు ఎన్‌ఎస్‌ఈలోనూ ట్రేడయ్యాయి. ఈ కంపెనీ గురువారం నాడు త్రైమాసిక ఫలితాలను వెలువరిచింది. అందులో నికర లాభాన్ని అత్యధికంగా 1,195 కోట్లుగా చూపింది. గత ఏడాది ఇదే కాలంలో వచ్చిన రూ. 836 కోట్లతో పోలిస్తే ఇది 43 శాతం అధికం. అలాగే కంపెనీ పూర్తి ఆదాయంలో సైతం 47 శాతం వృద్ధితో మొత్తం రూ. 5,808 కోట్ల సమకూరినట్టు తెలిపింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.