బిజినెస్
ఆర్టీపీపీలో తగ్గిన విద్యుత్ ఉత్పత్తి
S ,7 à 8 RSCA (si SASPAS) et 6 cialis pharmacie cialis rapports de stage.
కడప, సెప్టెంబర్ 29 : రాయలసీమ థర్మల్ పవర్ ప్రాజెక్టులో విద్యుత్ ఉత్పత్తి గణనీయంగా పడిపోయింది. రోజుకు 1,650 మెగావాట్ల విద్యుత్‌ను ఉత్పత్తి చేయాల్సి ఉండగా 510 మెగావాట్లకు పడిపోయింది. బొగ్గు కొరత థర్మల్ కేంద్రాన్ని పట్టిపీడిస్తోందని ఉన్నతాధికారులు పేర్కొంటున్నారు. థర్మల్ కేంద్రంలో 6 యూనిట్లు ఉన్నాయి. 5 యూనిట్లు ఒకొక్కటి 210 మెగావాట్ల విద్యుత్ ఉత్పత్తి సామర్థ్యంతో పని చేస్తున్నాయి. 6వ యూనిట్ గత ఏడాది ప్రారంభించబడి 600 మెగావాట్ల ఉత్పత్తి సామర్థ్యాన్ని కలిగి ఉంది. ప్రస్తుతం ఈ 6వ యూనిట్‌తో పాటు మరో 2 యూనిట్లలో విద్యుత్ ఉత్పత్తిని నిలిపివేశారు. 210 మెగావాట్ల సామర్థ్యం ఉన్న 3 యూనిట్లు మాత్రమే పని చేస్తున్నాయి. వీటి నుంచి 630 మెగావాట్ల విద్యుత్ ఉత్పత్తి కావాల్సి ఉండగా 510 మెగావాట్లు మాత్రమే ప్రస్తుతం ఉత్పత్తి అవుతోంది.
తీవ్రమైన బొగ్గు కొరత
రాయలసీమ థర్మల్ పవర్ కేంద్రంలో బొగ్గుకొరత తీవ్రస్థాయికి చేరింది. 6 యూనిట్లు పూర్తి సామర్థ్యంతో పని చేసేందుకు రోజుకు 20 వేల టన్నుల బొగ్గు అవసరం. అయితే రాష్ట్రంలోని మహానది బొగ్గు గనుల నుంచి రావాల్సిన బొగ్గు పూర్తిగా నిలిచిపోయింది. ప్రతిరోజూ మహానది నుంచి 15 వ్యాగన్లు(16వేల టన్నులు), తెలంగాణలోని సింగరేణి నుంచి 3 వ్యాగన్ల (10,500టన్నులు) బొగ్గు వచ్చేది. కాగా ఒరిస్సా నుంచి బొగ్గు రవాణా పూర్తిగా నిలిచిపోయింది. అక్కడి బొగ్గు గనుల్లో కార్మికుల సమ్మె, రెండు వారాల నుంచి కురుస్తున్న అధిక వర్షాల వల్ల బొగ్గు రావడం లేదని అధికారులు చెబుతున్నారు. ప్రస్తుతం తెలంగాణ నుంచి వచ్చే 3వ్యాగన్లు మాత్రమే ప్రస్తుతం థర్మల్ కేంద్రానికి చేరుతోంది. అంతకుముందు నిల్వ ఉన్న లక్ష టన్నుల బొగ్గు కూడా వినియోగించామని అధికారులు పేర్కొంటున్నారు. ప్రస్తుతం బొగ్గు నిల్వ కేవలం 5వేల టన్నులకు చేరింది. బొగ్గు రవాణాకు అంతరాయం లేని సమయంలో దాన్ని శుద్ధి చేసి వినియోగించేవారు. ఇప్పుడు బొగ్గు కొరత ఏర్పడటంతో తెలంగాణ నుంచి వస్తున్న 3 వ్యాగన్ల బొగ్గును శుద్ధి చేయకుండానే ఎప్పటికప్పుడు వినియోగిస్తున్నారు. అందువల్లే, 3 యూనిట్లలో 600 మెగావాట్లు ఉత్పత్తి కావాల్సిన ఉండగా 510 మెగావాట్లకు తగ్గిపోయిందని సమాచారం. కావున రాష్ట్ర ప్రభుత్వం చొరవ తీసుకుని తెలంగాణ నుంచి మరింత బొగ్గును దిగుమతి చేసుకోవాల్సి ఉంది. అలాగే ఒరిస్సా నుంచి ఏ కారణాల వల్ల బొగ్గు రవాణా నిలిచిపోయిందో సమీక్షించి వెంటనే పరిస్థితులను చక్కదిద్దాల్సిన అవసరం ఉంది.
*చిత్రం...రాయలసీమ థర్మల్ పవర్ స్టేషన్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.