బిజినెస్
పడుతూ.. లేస్తూ.. పయనం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఏప్రిల్ 2: వరుస లాభాల్లో కదలాడుతున్న దేశీయ స్టాక్ మార్కెట్లకు గడచిన వారం బ్రేక్ పడింది. నాలుగు వారాలుగా సూచీలకు కొనుగోళ్ల మద్దతు లభించగా, గత వారం మాత్రం అమ్మకాల ఒత్తిడి ఎదురైంది. అయితే స్వల్ప నష్టాలకే పరిమితమవగా, బాంబే స్టాక్ ఎక్స్‌చేంజ్ సూచీ సెనె్సక్స్ 67.92 పాయింట్లు పడిపోయి 25,269.64 వద్ద ముగిసింది. నేషనల్ స్టాక్ ఎక్స్‌చేంజ్ సూచీ నిఫ్టీ 3.45 పాయింట్లు కోల్పోయి 7,713.05 వద్ద నిలిచింది. నాలుగు రోజుల వరుస సెలవుల అనంతరం గడచిన వారం ట్రేడింగ్‌లో సూచీలు తీవ్ర ఒడిదుడుకులకు లోనయ్యాయి. మార్చి నెల డెరివేటివ్ కాంట్రాక్టుల గడువు ముగుస్తుండటం, వడ్డీరేట్లపై అమెరికా రిజర్వ్ బ్యాంక్ ఫెడరల్ రిజర్వ్ చైర్‌పర్సన్ జనెట్ యెల్లెన్ మాట్లాడుతుండటం మదుపరులలో భయాలను నింపింది. దీనివల్ల సోమవారం సెనె్సక్స్ 371, నిఫ్టీ 101 పాయింట్ల మేర క్షీణించాయి. మంగళవారం సైతం ఇదే ధోరణి మధ్య సెనె్సక్స్ 66, నిఫ్టీ 18 పాయింట్లు పడిపోగా, అంతర్జాతీయ ప్రతికూల పరిస్థితుల నడుమ ఇప్పుడు వడ్డీరేట్లను పెంచడం సరికాదని ఫెడ్ రిజర్వ్ చైర్‌పర్సన్ భావించడం బుధవారం మార్కెట్ సెంటిమెంట్‌ను పెంచింది. ఫలితంగా సెనె్సక్స్ 438 పాయింట్లు, నిఫ్టీ 138 పాయింట్లు ఎగిశాయి. గురువారం స్పల్ప లాభాల్లో ముగిసిన సూచీలు.. శుక్రవారం మళ్లీ నష్టాలతోనే సరిపెట్టాయి. సెనె్సక్స్ 72, నిఫ్టీ 25 పాయింట్లు దిగజారాయి. ఇక హెల్త్‌కేర్, మెటల్, టెక్నాలజీ, ఐటి, చమురు, గ్యాస్ రంగాల షేర్ల విలువ 2.19 శాతం నుంచి 0.14 శాతం పడిపోయాయి. అయితే రియల్టీ, విద్యుత్, ఎఫ్‌ఎమ్‌సిజి, బ్యాంకింగ్, క్యాపిటల్ గూడ్స్, ఆటో, కన్జ్యూమర్ డ్యూరబుల్స్ షేర్ల విలువ 2.74 శాతం నుంచి 0.16 శాతం పెరిగాయి. టర్నోవర్ విషయానికొస్తే గడచిన వారం బిఎస్‌ఇ 13,792.46 కోట్ల రూపాయలుగా, ఎన్‌ఎస్‌ఇ 96,668.10 కోట్ల రూపాయలుగా ఉన్నాయి. అంతకుముందు వారం బిఎస్‌ఇ టర్నోవర్ 9,153.54 కోట్ల రూపాయలుగా, ఎన్‌ఎస్‌ఇ టర్నోవర్ 49,672.25 కోట్ల రూపాయలుగా ఉన్నాయి. కాగా, వరుసగా నాలుగు వారాల్లో సెనె్సక్స్ 2,183.26 పాయింట్లు ఎగబాకితే, నిఫ్టీ ఈ నాలుగు వారాల్లోనే 686.75 పాయింట్లు ఎగిసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.