రాష్ట్రీయం
చెర వీడింది!
S ,7 à 8 RSCA (si SASPAS) et 6 cialis pharmacie cialis rapports de stage.
టిఆర్‌ఎస్ నేతల విడుదల
హెచ్చరించి వదిలేసిన మావోయిస్టులు
కాళ్లావేళ్లాపడితే వదిలారు
విడుదలైన నేతల వివరణ
చర్ల, నవంబర్ 21: ఖమ్మం జిల్లా చర్ల మండలం పూసుగుప్పలో ఈ నెల 18న కిడ్నాప్‌నకు గురైన తెరాస నేతలు ఎట్టకేలకు శనివారం విడుదల అయ్యారు. గులాబీ నేతలు ఆరుగురు క్షేమంగా తిరిగి రావడంతో తెరాస నాయకత్వం ఊపిరిపీల్చుకుంది. మావోయిస్టులతో ప్రభుత్వం తరఫున జరిపిన సంప్రదింపులు, చర్చలు ఫలించడంతో వారిని అన్నలు వదిలిపెట్టారు. మావోయిస్టు తెలంగాణ రాష్ట్ర కార్యదర్శి ఏపి నారాయణ, రాష్ట్ర అధికార ప్రతినిధి జగన్‌లతో పాటు పలువురు కేంద్ర కమిటీ సభ్యులు సుదీర్ఘంగా చర్చించి ఒక అవగాహనకు వచ్చి తొలి తప్పుగా, హెచ్చరికగా వీరిని విడుదల చేసేందుకు నిర్ణయించినట్లు సమాచారం. దీనికి తోడు భద్రాచలం నియోజకవర్గ ఇన్‌ఛార్జ్ మానె రామకృష్ణ భార్య లక్ష్మి నేరుగా విరసం నేత వరవరరావుతోనూ ఫోన్లో మాట్లాడి తన భర్త అమాయకుడని, విడిపించాలని వేడుకున్నారు. ప్రభుత్వం కూడా ప్రజా సంఘాల నేతల ద్వారా చర్చలు జరిపింది. కేవలం 16 నెలల కాలంలోనే రాష్ట్రంలో పేద ప్రజల కోసం మావోయిస్టు అజెండాను అమలు చేస్తున్నామనే నమ్మకాన్ని మావోయిస్టులకు కల్పించారు. దీనికి తోడు వరంగల్ జిల్లా మేడారంలో శ్రుతి, సాగర్ ఎన్‌కౌంటర్ దురదృష్టకరమని, ఇకపై అటువంటివేమీ ఉండవనే భరోసా వారికి ఇవ్వడంతో మావోయిస్టులు మెత్తపడ్డట్లు సమాచారం.
కిడ్నాప్ హైడ్రామాపై అనేక సందేహాలు వ్యక్తమవుతున్నాయి. తాము ఈ నెల 18న డబుల్ బెడ్‌రూం ఇళ్ల గురించి పూసుగుప్ప వెళ్లామని భద్రాచలం నియోజకవర్గ ఇన్‌ఛార్జ్ మానె రామకృష్ణ విడుదలైన అనంతరం మీడియాకు వివరించారు. అనుకోకుండా మావోయిస్టులకు చిక్కగా తమ డిమాండ్లను ప్రభుత్వం దృష్టికి తీసుకెళ్లేందుకు అవకాశం వచ్చిందని మావోయిస్టు పార్టీ భావించి వారిని అడవుల్లోకి తీసుకెళ్లారని తెలుస్తోంది. అయితే మేడారం ఎన్‌కౌంటర్‌కు బదులు తీర్చుకుంటామని, మీలో ఇద్దరిని చంపేస్తామని మావోయిస్టులు తమను బెదిరించారని, తాము కాళ్ల వేళ్లా పడి... చంపితే అందరినీ చంపండని, లేకుంటే వదిలేయాలని కోరినట్లు విడుదలైన నేతలు చెబుతున్నారు. బూటకపు ఎన్‌కౌంటర్లు వద్దని, ప్రజా సమస్యలు తీర్చాలని వారు డిమాండ్ చేశారని, అదే ప్రభుత్వం దృష్టికి తీసుకెళ్లాలని తమను హెచ్చరించినట్లు వారు పేర్కొంటున్నారు. సాధారణంగా వారు కిడ్నాప్ చేశాక తమ డిమాండ్లపై స్పష్టత వచ్చేంతవరకు వదలరు. కానీ వారిని కేవలం రెండు రోజుల్లోనే విడుదల చేయడంపై పలు అనుమానాలు వ్యక్తమవుతున్నాయి.
(చిత్రం) విలేఖర్లతో మాట్లాడుతున్న మానె రామకృష్ణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.