భవిష్యత్‌కు రైట్..రైట్ చెప్పారు!
S ,7 à 8 RSCA (si SASPAS) et 6 cialis pharmacie cialis rapports de stage.
సుమంత్ అశ్విన్
‘పోలీస్ ఆఫీసర్ అవ్వాలనుకునే కుర్రాడు అనుకోని పరిస్థితుల్లో కండక్టర్ అవుతాడు. ఆ తరువాత ఏం జరిగిందనే ఆసక్తికర కథాంశంతో తెరకెక్కిన చిత్రం ఇది’ అని అంటున్నాడు యువ హీరో సుమంత్ అశ్విన్. ‘తూనీగ తూనీగ’ సినిమాతో హీరోగా పరిచయమైన సుమంత్ అశ్విన్, ఆ తరువాత విభిన్నమైన సినిమాల్లో నటిస్తూ ముందుకు సాగుతున్నాడు. తాజాగా ఆయన నటించిన చిత్రం ‘రైట్ రైట్’. బాహుబలి ప్రభాకర్ మరో ముఖ్యపాత్రలో నటించిన ఈ చిత్రం ఈనెల 10న విడుదలవుతున్న సందర్భంగా సుమంత్ అశ్విన్ చెప్పిన విశేషాలు..
కెమిస్ట్రీ కుదిరింది
సాధారణంగా హీరో హీరోయిన్లమధ్య కెమెస్ట్రీ కుదిరిందంటారు. కానీ నాకు, ప్రభాకర్‌కుమధ్య ఈ సినిమాలో కెమిస్ట్రీ బాగా కుదిరింది. ఈ సినిమాలో ప్రభాకర్ చాలా ఇన్‌వాల్వ్ అయ్యాడు. ముఖ్యంగా డ్రైవర్, కండక్టర్లుగా ఇమిడిపోయాం. ఇందులో కంటతడి పెట్టించే సన్నివేశాలు కూడా వున్నాయి. అవి చేసే ముందు ఇద్దరం కలిసి ఎలా పండించాలని డిస్కస్ చేసేవాళ్ళం.
మారుమూల పల్లెల్లో
ఈ కథ రీత్యా మారుమూల గ్రామం కావాలి కాబట్టి అరకు, ఒడిశా బార్డర్ అయిన గవిటి అనే ఊరుని ఎంపిక చేశాం. అక్కడ కరెంట్ వుండదు. సెల్‌ఫోన్లు పనిచేయవు. క్రూరమృగాలు కూడా సంచరిస్తాయి. కథకు కరెక్టు సరిపోయింది కాబట్టి అక్కడే షూటింగ్ చేశాం.
పోలీస్ అవ్వాలనుకుని..
పోలీసు ఆఫీసర్ అవ్వాలనుకునే కుర్రాడి కథే ఇది. కానీ, అనుకోని పరిస్థితులవల్ల కండక్టర్ అవుతాడు. కొత్తగా ఆ ఊరికి విధుల్లో వస్తాడు. డ్రైవర్‌కు, కండక్టర్‌కు మరియు గ్రామస్థులమధ్య జరిగే కథ. ఇందులో బస్సు కూడా కీలక పాత్ర పోషిస్తుంది. దాంతోపాటు ప్రేమకథ వుంటూనే సస్పెన్స్ థ్రిల్లర్‌గా వుంటుంది.
మార్పులు చేశాం
ఆర్డినరీ పేరుతో మలయాళంలో హిట్ అయిన సినిమా ఇది. తెలుగు నేటివిటీ కోసం చాలా మార్పులు చేశాం. ఇందులో ప్రభాకర్ పాత్ర కూడా కొత్తగా వుంటుంది. ఇప్పటివరకూ నెగెటివ్ పాత్రలో చేసిన ఆయన మొదటిసారి పాజిటివ్‌గా కన్పిస్తాడు. తను చేసిన కొన్ని సీన్లు చూసి అక్కడివారంతా చప్పట్లు కొట్టారు. ‘నువ్వొస్తానంటే నేనొద్దంటానా’ సినిమాలోలా శ్రీహరిని మరిపించాడు.
కథ నచ్చే
నిజానికి ఈ సినిమా కోసం నన్ను హీరోగా ఎందుకడుగుతున్నారని నాన్నగారు అడిగారు. కథ ప్రకారం అచ్చమైన రాజమండ్రి కుర్రాడిలా కన్పించాలని, దానికి మీవాడైతే కరెక్టు అని చెప్పడంతో ఈ సినిమా చేయడానికి ఓకె చెప్పా. ఏ కథైనా ముందు నేనే వింటాను. ఆ తరువాత బాగుందనిపిస్తే నాన్న సలహా తీసుకుంటాను. ఆయనకు 25 ఏళ్ల అనుభవం వుంది కదా!
నమ్మకం వుంది
ఈ సినిమా చేసిన తరువాత ఇంత త్వరగా అయిపోయిందా అనిపించింది. అందరం అంతగా కనెక్ట్ అయ్యాం. అలాగే దర్శకుడు మనూ కూడా అద్భుతంగా తెరకెక్కించాడు. ఆడియోతోపాటు ఫొటోగ్రఫి సినిమాకు హైలెట్‌గా నిలుస్తాయి. తప్పకుండా ఈ సినిమా మా అందరికీ మంచి బ్రేక్ ఇస్తుందన్న నమ్మకం వుంది అన్నారు.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..