నాని నిజంగానే జెంటిల్‌మేన్
S ,7 à 8 RSCA (si SASPAS) et 6 cialis pharmacie cialis rapports de stage.
నాని, సురభి జంటగా ఇంద్రగంటి మోహనకృష్ణ దర్శకత్వంలో తెరకెక్కుతున్న చిత్రం ‘జెంటిల్‌మన్’. శ్రీదేవీ మూవీస్ పతాకంపై శివలెంక కృష్ణప్రసాద్ నిర్మిస్తున్న ఈ చిత్రం ఈనెల 17న విడుదలకు సిద్ధమైంది. ఈ సందర్భంగా నిర్మాత కృష్ణప్రసాద్ చెప్పిన విశేషాలు ఆయన మాటల్లోనే..
కథ నచ్చింది
ఈ కథను ఐదేళ్ల క్రితమే విన్నాను. చాలా అద్భుతంగా అనిపించింది. డేవిడ్ మథోస్ అనే దర్శకుడు చెప్పిన కథ ఇది. కథ విన్న తర్వాత దీన్ని ఇంద్రగంటి మోహనకృష్ణ అయితే బాగా డీల్ చేస్తాడని, ఆయనకు చెప్పాను. కానీ తను నా సొంత కథతో చేస్తానని చెప్పాడు. అయినాసరే ముందు ఈ కథ విని, నచ్చితే ఓకే లేదంటే ఆ కథతో చేద్దామన్నాను. కథ విన్న మోహనకృష్ణ కూడా ఎగ్జైట్ అయ్యాడు.
* నానికి సరిపోయింది
కథ విన్న తర్వాత ఈ పాత్రకు నాని అయితే కరెక్ట్ అని తనకు చెప్పాం. నానికి కూడా కథ బాగా నచ్చింది. ఇప్పుడున్న జనరేషన్ హీరోలు భిన్నంగా సినిమాలు చేస్తూ వెళ్తున్నాడు నాని. అప్పట్లో కమల్‌హాసన్ కూడా అలాగే విభిన్నమైన సినిమాలు చేశాడు. జెంటిల్‌మన్ సినిమా నానీకి మరో కొత్త ఇమేజ్‌నిస్తుంది.
* థ్రిల్ అవుతారు
కథ చాలా కొత్తగా వుంటుంది. ప్రతి సెకను ప్రేక్షకుడు ఇన్‌వాల్వ్ అయ్యేలా వుంటుంది. దర్శకుడు మోహనకృష్ణ అద్భుతంగా తెరకెక్కించాడు. సినిమా చూసుకున్న తర్వాత చాలా సంతృప్తి కలిగింది. నేటి ప్రేక్షకులు కొత్తదనాన్ని ఆశిస్తున్నారు. కచ్చితంగా అలాంటి వారికి సంతృప్తినిచ్చే సినిమా ఇది.
* గ్యాప్ అందుకే
బాలకృష్ణతో చేసిన ‘మిత్రుడు’ సినిమా తర్వాత గ్యాప్ వచ్చింది. ఆ సినిమా అనుకున్న స్థాయిలో ఆడకపోవడం, ఇప్పుడున్న పరిస్థితులను జీర్ణించుకోవడానికి సమయం పట్టింది.
* అలా నిర్మాతనయ్యా
నేను నటుడు చంద్రమోహన్ మేనల్లుణ్ణి. 1977లో డిగ్రీ పూర్తిచేసిన తర్వాత జాబ్‌కోసం చంద్రమోహన్ దగ్గరకు వచ్చాను. అప్పుడే ఆయన ‘సిరిసిరిమువ్వ’, ‘సీతామాలక్ష్మి’ సినిమాల విజయంతో హీరోగా నిలదొక్కుకున్నాడు. తన దగ్గరే ఉండి నాకు సంబంధించిన డేట్స్, లావాదేవీలు చూసుకోమని చెప్పడంతో ఆయనతో ఉండిపోయాను. ఆ తర్వాత మిత్రుడు ‘రాకాశినాగు’ అనే డబ్బింగ్ సినిమా చేశాడు. దాన్ని నేను నెల్లూరుకు డిస్ట్రిబ్యూటర్‌గా చేశాను. ఆ సినిమా పెద్ద విజయం సాధించడంతో నాకు మంచి పేరొచ్చింది. ఆ తర్వాత రేలంగి దర్శకత్వంలో చంద్రమోహన్, రాజేంద్రప్రసాద్‌లతో ‘చిన్నోడు పెద్దోడు’ సినిమాతో నిర్మాతనయ్యా. ఆ తర్వాత ‘వంశానికొక్కడు’, ‘్భలేవాడివి బాసు’, ‘ఆదిత్య-369’ వంటి చిత్రాలు తీశా.
* తదుపరి చిత్రాలు
ప్రస్తుతం ఈ సినిమా విడుదలకోసం ఎదురుచూస్తున్నాం. ఈ సినిమా తర్వాత తప్పకుండా మరిన్ని సినిమాలు తీస్తా.
Related Articles
గత ఏడాది ‘ఓ బేబీ’తో హిట్టుకొట్టిన సామ్ -మరోసారి అదే డైరెక్టర్‌తో మరో హిట్ కోసం సిద్ధమవుతుంది. సామ్ కోసం ఓ బేబీలో గెస్ట్‌రోల్‌తో మురిపించిన చైతూ -ఈ ప్రాజెక్టులోనూ కాస్త నిడివి ఎక్కువగా ఉండే అతిథి పాత్రలో కనిపించొచ్చన్న టాక్ ఇండస్ట్రీలో బలంగా వినిపిస్తోంది.
కెరీర్ కాలిపోయిన తరువాత -కాళ్లు కడుక్కున్నా ప్రయోజనం ఉండదంటోంది అందగత్తె అనూ ఇమ్మాన్యుయేల్. తొలినాళ్లలో వేసిన తప్పటడుగులు -కెరీర్ రూట్‌నే మార్చేసిందన్న బాధతో చెప్తోన్న మాటలివి. ‘మజ్ను’కి జోడీగా టాలీవుడ్ తెరపై తొలిసారి తళుక్కుమంది అనూ బ్యూటీ.
నాలుగైదు భాషల్లో విడుదలయ్యేవన్నీ పాన్ ఇండియా సినిమాలే అంటున్నారు కనుక -‘పుష్ప’నూ అదే రేంజ్‌లో విడుదల చేసే ఆలోచన చేశారు మేకర్లు. అందుకే ఫస్ట్‌లుక్ విడుదల టైంలోనే ఐదు భాషల్లో సినిమా విడుదల చేస్తామంటూ క్లారిటీ ఇచ్చేశారు. ఈ విషయంలో దర్శకుడు సుకుమార్ ముందునుంచీ ‘హై థాట్’తోనే ఉన్నాడు.
ఆరేళ్ల క్రితం నిఖిల్ హీరోగా చందు మొండేటి తెరకెక్కించిన చిత్రం -కార్తికేయ. చిన్న సినిమాగా థియేటర్లకొచ్చినా -డివోషన్, ఎమోషన్‌కు థ్రిల్లైపోయిన ఆడియన్స్ పెద్ద సినిమా విజయాన్ని కట్టబెట్టారు. సో, కెరీర్ క్రైసిస్ ఎదురైన ప్రతిసారీ -నిఖిల్ ముందుకు కార్తికేయ సీక్వెల్ చర్చ వస్తూనే ఉండేది.
పూజా హెగ్దె కాళ్లను పట్టుకున్న బన్నీ కళ్లు -అల.. హిట్టుతోనే వదిలేశాయి. అదృష్టం మాత్రం ఆమెను వదలడం లేదు. రెండేళ్ల క్రితం చాన్స్‌ల కోసం ఎదురుచూసిన ఈ బుట్టబొమ్మ -ఇప్పుడు టాలీవుడ్‌లో ఏ హీరోకైనా ఏకైక ఆప్షన్ అయిపోయింది. బాలీవుడ్‌లోనూ వరుస జాక్‌పాట్‌లు కొడుతోంది. టాలీవుడ్‌లో అల్లు అర్జున్‌తో అల..