భక్తులకు సాయే దైవం

హరిబాబు ప్రధాన పాత్రలో శ్రీనివాస్ జి.ఎల్.బి. స్వీయ దర్శకత్వంలో రూపొందిస్తున్న చిత్రం ‘సాయే దైవం’. భగవాన్ షిరిడీ సాయిబాబా భక్తుల అనుభవాలను ప్రధానాంశంగా తీసుకుని, బాబాను విశ్వసించిన భక్తుల జీవితాల్లో జరిగిన అద్భుతాలే ప్రధాన కథనంగా ఈ చిత్రం రూపొందించామని శ్రీనివాస్ తెలిపారు. ఈ చిత్రానికి సంబంధించిన డబ్బింగ్‌తోపాటుగా పాటల చిత్రీకరణ పూర్తిచేశారు. ఈ సందర్భంగా శ్రీనివాస్ మాట్లాడుతూ, ఈ చిత్రాన్ని ఆధ్యాత్మిక చింతనతో చిత్రీకరించామని, తెలుగు రాష్ట్రాల్లోని ప్రధాన బాబా ఆలయాల్లో చిత్రీకరణ జరిపామని అన్నారు. అమరావతిలో ‘అండగా సాయి ఉండగా భయమెందుకురా దండగ’ అనే పాటను చిత్రీకరించామని, సాయి భక్తులకే కాక అందరికీ ఈ చిత్రం నచ్చుతుందని, త్వరలోనే ఆడియోను విడుదల చేసి, సినిమాను కూడా ప్రేక్షకుల ముందుకు తీసుకురావడానికి సన్నాహాలు చేస్తున్నామని ఆయన తెలిపారు. చంద్రమోహన్, కోట శ్రీనివాసరావు, రావురమేష్, ఎల్బీశ్రీరామ్, ధన్‌రాజ్, శంకరాభరణి రాజ్యలక్ష్మి, సుదీప తదితరులు నటించిన ఈ చిత్రానికి పాటలు: బిక్కి కృష్ణ, సంగీతం: పోలూర్ ఘటికాచలం, కెమెరా: టి.సురేందర్‌రెడ్డి, నిర్మాత: పి.్భవానీ అర్జున్‌రావు, కథ, స్క్రీన్‌ప్లే, నిర్మాత, దర్శకత్వం: శ్రీనివాస్ జి.ఎల్.బి.